مغلپورہ، گھریلو ناچاقی پر بیوی،سالے اور 6 سالہ بچے کو فائرنگ سے زخمی کرنیوالا ملزم گرفتار کر لیا گیا
ایس او ایچ او مغل پورہ نسیم خان کی کاروائی پر ملزم گرفتار کیا گیا،پولیس کو کال موصول ہوئی کہ ایک شخص نے فائرنگ سے بیوی،بچے اور سالے کو فائرنگ سے زخمی کردیا ہے۔ مغلپورہ پولیس نے فوری ریسپانس کرتے ہوئے موقع پر پہنچ گئی،ملزم کی فائرنگ سے شمائلہ، خرم اور عثمان زخمی ہوئے جنہیں طبی امداد کے لئے مقامی ہسپتال منتقل کر دیا گیا، ملزم چاند عرف بیلا کے قبضہ سے پستول برآمد کرلیا،تھانہ مغلپورہ کے حوالے کر دیا گیا،ایس پی سول لائن ڈاکٹر حنان نے ایس ایچ او مغل پورہ نسیم خان کی ٹیم کو شاباش دی اور کہا کہ عیدالفطر کے موقع پر ڈولفن اپنی خوشیاں قربان کرکے شہریوں کی حفاظت کو یقینی بنارہا ہے ،
دوسری جانب لاہور تھانہ گوالمنڈی کے قائم مقام ایس ایچ او میاں نعیم شہزاد اور ان کی ٹیم نے کچا نسبت روڈ گوالمنڈی کے علاقے میں پتنگ بنانے والے گھرپر چھاپہ مار کر ملزمان اثامہ طلعت، اور طابش شہزاد کو گرفتار کرکے ان کے قبضے سے پتنگیں بنانے والا سامان 2 کلو بانس،2.کٹر،رولر مشین 150 پتنگیں،6عدد ڈور کی چرخیاں، گلو کٹر ودیگر سامان برآمد کرکے مقدمہ درج کر لیا
