بی جے پی ایم ایل اے کے ہندو دیوی، دیوتاؤں سے متعلق عقائد پر سوالات نے تنازعہ کھڑا کر دیا

بھارت کی ہندو انتہا پسند حکمران جماعت بھارتیہ جنتا پارٹی (بی جے پی) کے بہار سے تعلق رکھنے والے ایک ایم ایل اے نے دیوی لکشمی سے متعلق ہندو عقائد پر سوال اٹھا کر تنازعہ کھڑا کر دیا، جس سے ان کے آبائی حلقے میں احتجاج شروع ہوا۔

باغی ٹی وی : "ہندوستان ٹائمز” کے مطابق بہار کے ضلع بھگل پورکے پیرپینتی اسمبلی حلقہ سے بی جے پی کے ایم ایل اے لالن پسون کی جانب سے ہندو مذہب میں خوشحالی اور خوش قسمتی کی علامت سمجھی جانے والی لکشمی دیوی سے متعلق ریمارکس کے خلاف بہار میں مظاہرہ کیا گیا اور بی جے پی ایم ایل کے پتلے بھی جلائے گئے۔

بھارت کے خاتون صحافی کو امریکی سفر سے روکنے پر امریکا کا ردعمل

ایم ایل اے کی جانب سے لکشمی دیوی سے متعلق ہندو عقائد کے حوالے سے سوالات اٹھائے گئے اور کہا گیا کہ اپنے عقائد کو شواہد کے ساتھ ثابت کریں اس کے علاوہ لالن پسون نے دیوالی کے موقع پر لکشمی پوجا کے حوالے سے بھی سوالات اٹھائے۔

"मुसलमान लक्ष्मी की पूजा नहीं करते, तो क्या वे अमीर नहीं होते"
"मुसलमान सरस्वती को नहीं पूजते, तो क्या मुसलमान शिक्षित नहीं होते" – BJP MLA Lalan Paswan from Bhagalpur,Bihar pic.twitter.com/RDoSM0jMEY

— Muktanshu™⁩ 🆇 (@muktanshu) October 19, 2022

لالن پسون کا اپنے بیان میں کہنا تھا کہ اگر ہمیں لکشمی دیوی کی پوجا کرنے سے ہی دولت ملتی ہے تو پھر تو کسی بھی مسلمان کو ارب پتی اور کھرب پتی نہیں ہونا چاہیے، مسلمان کو لکشمی دیوی کی پوجا نہیں کرتے تو کیا وہ امیر نہیں ہیں؟-

بی جے پی ایم ایل نے مزید کہا کہ مسلمان تو سرسوتی ویوی کی پوجا نہیں کرتے تو کیا مسلمانوں میں کوئی اسکالر نہیں ہے؟ کیا وہ آئی اے ایس اور آئی پی ایس نہیں بن سکتے؟-

انہوں نے زور دے کر کہا کہ ہر چیز بشمول "آتما اور پرماتما” کا معاملہ صرف لوگوں کا عقیدہ ہے۔

لالن پسون کا کہنا تھا کہ ہر چیز انسان کا عقیدہ ہوتی ہے، اگر آپ یقین رکھتے ہیں تو وہ ایک دیوی ہے اور اگر آپ کا اس چیز پر عقیدہ نہیں ہے تو وہ صرف ایک بت ہے، یہ ہم پر منحصر ہے کہ ہم دیوی دیوتاؤں کو مانتے ہیں یا نہیں، نتیجہ اگر آپ یقین کرنا چھوڑ دیں گے تو آپ کی ذہنی استعداد بڑھ جائے گی، ہمیں سائنسی بنیادوں پر چیزوں کو پرکھنا چاہیے اور پھر کسی منطقی نتیجے پر پہنچنا چاہیے-

بھارتیہ جنتا پارٹی کے رکن اسمبلی کا یہ بھی کہنا تھا یہ ہندوؤں کا عقیدہ ہے کہ بجرنگ بلی طاقت کا دیوتا ہے لیکن مسلمان اور عیسائی تو بجرنگ بلی کو نہیں مانتے تو کیا وہ طاقتور نہیں ہیں؟ جس دن ہم ان چیزوں پر یقین کرنا چھوڑ دیں گے، یہ سب چیزیں ختم ہو جائیں گی۔

بی جے پی ایم ایل اے کے بیان سے مشتعل لوگوں نے بھگل پور کے شیرماری بازار میں احتجاج کیا اور ان کا پتلا بھی جلایا،پاسوان اس سے پہلے اس وقت منظر عام پر آئے تھے جب انہوں نے مبینہ طور پر راشٹریہ جنتا دل (آر جے ڈی) کے سربراہ لالو پرساد یادو کے ساتھ ذاتی بات چیت کو لیک کیا تھا۔

عراق میں اڑھائی ارب ڈالر کی چوری: عدالت نے فنانس کمیٹی کے رکن کو طلب کر لیا