نئی دہلی: سونیا گاندھی کے داماد رابرٹ واڈرا نے پہلگام حملے پر اپنے بیان میں کہا کہ جب حکومت مسلسل صرف ہندوتوا کے ایجنڈے کو آگے بڑھاتی ہے تو اس سے ملک میں فرقہ وارانہ تقسیم کو فروغ ملتا ہے۔
رابرٹ واڈرا نے مقبوضہ کشمیر کے مشہور سیاحتی مقام پہلگام میں ہونے والے دہشتگرد حملے، جس میں شناخت کے بعد ہندو سیاحوں کو نشانہ بنایا گیا اور کم از کم 26 افراد جاں بحق ہوئے، کو وزیراعظم نریندر مودی کے لیے ایک واضح پیغام قراردیا ہے۔
رابرٹ واڈرا کا کہنا ہے کہ جب حکومت مسلسل صرف ہندوتوا کے ایجنڈے کو آگے بڑھاتی ہے تو اس سے ملک میں فرقہ وارانہ تقسیم کو فروغ ملتا ہے اگر دہشتگرد کسی کی مذہبی شناخت دیکھ کر نشانہ بنا رہے ہیں، تو یہ موجودہ سیاسی بیانیے کے نتیجے میں پیدا ہونے والی تقسیم کا شاخسانہ ہے۔
اسٹریٹ کرائم میں ملوث باپ بیٹی گرفتار
انہوں نے مزید کہا کہبی جے پی کی ’’ہندوتوا‘‘ پر مبنی پالیسیوں کے باعث ملک میں اقلیتیں، خاص طور پر مسلمان خود کو کمزور، غیر محفوظ اور پریشان محسوس کر رہے ہیں اور اس صورتحال کو صرف قومی قیادت ہی بہتر بنا سکتی ہے ہمیں ایک ایسا ماحول بنانا ہوگا جہاں ہر شہر ی خود کو محفوظ اور مساوی شہری محسوس کرے، ایسی کارروائیاں صرف اس وقت رک سکتی ہیں جب اقلیتوں کو یہ پیغام دیا جائے کہ وہ اس ملک میں محفوظ اور برابر کے شہری ہیں۔
رابرٹ واڈرا کے اس بیان پر بی جے پی کی جانب سے شدید ردعمل آیا بی جے پی آئی ٹی سیل کے سربراہ امت مالویہ نے ایکس پر ویڈیو شیئر کرتے ہوئے کہا کہ افسوسناک! سونیا گاندھی کے داماد رابرٹ واڈرا نے دہشتگردی کے عمل کا دفاع کیا اور مجرموں کی بجائے ملک کو موردِ الزام ٹھہرایا یہ وہی بیانیہ ہے جو پاکستان پھیلانا چاہتا ہے۔
مولانا فضل الرحمان کا فلسطینیوں سے اظہار یکجہتی کیلئے ملین مارچ کا اعلان
واضح رہے کہ پہلگام حملے کی ذمہ داری کالعدم تنظیم لشکرِ طیبہ کے ذیلی گروپ ’دی ریزسٹنس فرنٹ‘ نے قبول کی ہے اس حملے کے بعد کشمیر میں سیاحوں کی بڑی تعداد نے واپسی اختیار کرلی ہے، جس سے وادی میں خوف اور بے یقینی کی فضا مزید گہری ہو گئی ہے۔
