سندھ کے مختلف علاقوں میں عوام کی بڑی تعداد نے بی ایل اے کی لسانی بنیادوں پر کی جانے والی دہشت گرد کارروائیوں اور قتل و غارت کے خلاف احتجاج کیا۔
باغی ٹی وی کے مطابق مظاہرین کا کہنا تھا کہ بی ایل اے ہندوستان کے اشاروں پر بے گناہ پاکستانیوں، خصوصاً پنجابیوں اور پختونوں کو نشانہ بنا رہی ہے اور ملک میں لسانی نفرت کے بیج بو رہی ہے۔مظاہرین نے مطالبہ کیا کہ دہشت گردوں کو سخت سے سخت سزا دی جائے اور انہیں پھانسی پر لٹکایا جائے۔ جعفر ایکسپریس واقعے میں جاں بحق ہونے والے معصوم افراد کے قاتلوں کے خلاف فوری آپریشن کا بھی مطالبہ کیا گیا۔
احتجاج کے دوران مظاہرین نے کہا کہ پاکستان کے دیگر صوبوں کے لوگ بلوچ طلباء اور شہریوں کو ہمیشہ گلے سے لگا کر رکھتے ہیں، اور ہم بی ایل اے کی دہشتگردی کے خلاف جنگ میں اپنے بلوچ بھائیوں کے ساتھ ہیں۔مظاہرین نے افواجِ پاکستان کے حق میں نعرے لگاتے ہوئے ان کی قربانیوں کو سراہا اور قومی یکجہتی کے عزم کا اظہار کیا۔
اسرائیلی دہشتگردی، جماعت اسلامی کا امریکی سفارتخانےکی طرف مارچ کا اعلان
پی ایس ایل کی سیکیورٹی پاک فوج کے حوالے کرنےکا فیصلہ
سیالکوٹ میں ترقیاتی منصوبوں کا جال بچھایا جا رہا ہے، خواجہ آصف
