بلیو لائن بسوں کا خراب ہونا معمول بن گیا

وفاقی دارالحکومت اسلام آباد میں بلیو لائن بسوں کا درمیان راستے میں خراب ہونا معمول بن گیا .

بلیو لائن کی بسیں پمز ہسپتال سے کرال چوک تک چلتی ہیں،بلیو لائن کے لیے نئی بسیں درآمد کی گئیں تھی ،درمیان راستے میں بسیں خراب ہونے سے مسافروں کو شدید مشکلات کا سامنا کرنا پڑتا ہے ،آج ایک مرتبہ پھر بلیو لائن کی بس فیض آباد کے مقام پر خراب ہوگئی اس موقع پر شہریوں نے ویڈیو بنائی تو خراب بس کی ویڈیو بنانے سے بس کا عملہ منع کرتا رہا

وفاقی دارالحکومت اسلام آباد میں چلائی گئی بلیو لائن کی بسیں تواتر سے خراب ہونا شروع ہوگئیں روز ایک بس راستے میں کھڑی کردی جاتی ہے نئی بسوں کا خراب ہونا سوالیہ نشان ہے ۔@anwaar_kakar @GovtofPakistan @dcislamabad @CDAthecapital pic.twitter.com/vOQHEjU6u7

— Muhammad Awais (@pkawais1) November 1, 2023

مسافروں نے بسوں کی دیکھ بحال میں غفلت کرنے والوں کے خلاف کاروائی کا مطالبہ کیا اور کہا کہ درمیان راستے میں بس خراب ہونے سے ہمارا قیمتی وقت بھی ضائع ہوجاتا ہے ،دفاتر وقت پر نہیں پہنچ پاتے ہیں،بسیں چلائی ہیں تو شہریوں کو اذیت کی بجائے سہولیات دی جائیں،

واضح رہے کہ جڑواں شہروں راولپنڈی اور اسلام آباد کے لیے میٹرو بس سروس ’گرین لائن‘ اور ’بلیو لائن‘ کا افتتاح گزشتہ برس ماہ جولائی میں کیا گیا تھا،ساڑھے 15 کلو میٹر پر محیط گرین لائن میٹرو بس سروس کے روٹ پر 8 مسافر اسٹیشنز ہیں جبکہ 20 کلو میٹر طویل بلیو لائن میٹرو بس سروس کے روٹ پر 13 مسافر اسٹیشنز بنائے گئے ہیں.