ڈیرہ غازیخان (باغی ٹی وی،سٹی رپورٹرجواد اکبر) بی ایم پی تھانہ سخی سرور کے ایس ایچ او در محمد لغاری نے اپنی ٹیم کے ہمراہ ایک کامیاب کارروائی کرتے ہوئے چوری شدہ موٹر سائیکل چور کو پکڑ لیا۔
پکٹ یاعلی موڑ پر معمول کی چیکنگ کے دوران پولیس ٹیم نے مشکوک شخص کو روکا جس کے قبضے سے چوری شدہ موٹر سائیکل برآمد کر لی گئی۔ ملزم کو فوری طور پر حراست میں لے کر تھانے منتقل کر دیا گیا ہے، جہاں اس کے خلاف مزید قانونی کارروائی شروع کر دی گئی ہے۔
ایس ایچ او در محمد لغاری کا کہنا تھا کہ جرائم پیشہ عناصر کے خلاف کارروائیاں جاری رہیں گی اور عوام کے تحفظ کو یقینی بنانے کے لیے تمام وسائل بروئے کار لائے جائیں گے۔
