مزاحمتی تنظیم حماس نے غزہ امن معاہدے پر عمل درآمد جاری رکھتے ہوئے مزید تین یرغمالیوں کی لاشیں اسرائیل کے حوالے کردیں۔
خبر رساں ادارے رائٹرز کے مطابق حماس نے اتوار کے روز ریڈ کراس کے ذریعے تین یرغمالیوں کی لاشیں اسرائیلی حکام کے حوالے کیں، جب کہ دونوں فریق ایک دوسرے پر جنگ بندی کی خلاف ورزی کے الزامات عائد کر رہے ہیں۔اسرائیلی فوج کا کہنا ہے کہ لاشوں کو شناخت کے لیے منتقل کیا گیا ہے، اور یہ ان 11 یرغمالیوں میں شامل ہیں جن کی واپسی کا مطالبہ اسرائیل نے جنگ بندی کے تحت کیا تھا۔اسرائیل نے الزام لگایا کہ حماس لاشوں کی حوالگی میں تاخیر کر رہا ہے، جب کہ حماس کا کہنا ہے کہ وہ مشکل حالات کے باوجود کارروائی کو جلد از جلد مکمل کر رہا ہے۔
ادھر اتوار کی صبح شمالی غزہ کے علاقے شجاعیہ میں اسرائیلی فضائی حملے میں ایک شخص ہلاک ہوگیا۔ الغری اسپتال کے مطابق واقعہ سبزی منڈی کے قریب پیش آیا، جبکہ اسرائیلی فوج نے دعویٰ کیا کہ ہدف ایک عسکریت پسند تھا جو ان کی فورسز کے لیے خطرہ بن رہا تھا۔دوسری جانب، حماس نے اسرائیل کی جانب سے جنگ بندی کی خلاف ورزیوں کی فہرست جاری کی، جبکہ غزہ حکومت کے میڈیا دفتر کے ڈائریکٹر اسماعیل الثوابطہ نے ان الزامات کی تردید کی کہ حماس کے جنگجوؤں نے اسرائیلی فوجیوں پر حملے کیے ہیں.
مریم نواز شریف کا وژن ، پنجاب میں تعلیمی انقلاب کی نئی راہیں
