بریکنگ نیوز- رکنی میں بم دھماکہ 4 جان بحق اور10 زخمی

بریکنگ نیوز- رکنی میں بارکھان روڈ پر گیٹ کے قریب بم دھماکہ ہوا ہے ابتدائی اطلاعات کے مطابق 5 سے زائد افراد جاں بحق ہوگئے ہیں اور 10 سے زائد زخمی ہونے کی اطلاع ہے
رکنی بلوچستان میں بارکھان روڈ پرگیٹ کے قریب شہر میں حجام کی دکان میں دھماکہ ہوا جس کے نتیجے میں 5 افراد جاں بحق ہونے کی ابتدائی اطلاعات ہیں جبکہ 10 سے زائد افراد کے زخمی ہونے کی اطلاعات ہیں امدادی کارروائیاں شروع کر دی گئی ہیں
ایس ایچ او تھانہ رکنی سجاد افضل کا کہنا ہے ۔دھماکے کے نتیجے میں چار افراد جاں بحق ہوگئے ہیں ،لاشیں اور زخمی سول ہپستال منتقل کردئیے گئے ہیں،رکنی بم بلاسٹ میں ڈیرہ غازیخان سخی سرور سے تعلق رکھنے والا شہری بھی زخمی ہوا،
فوری طور پر دھماکے کی نوعیت کے بارے میں علم نہیں ہوسکا ہے۔
دھماکےکے بعد پولیس اور قانون نافذکرنے والے اداروں کے اہلکار جائے وقوعہ پر پہنچ گئے اور شواہد جمع کرکے تحقیقات شروع کردی گئی ہیں۔
پولیس کے مطابق دھماکے میں متعدد گاڑیوں، موٹرسائیکلوں اور دکانوں کو نقصان پہنچا ہے۔
رکنی کے دھماکے میں شہید ہونے والے 4 افراد میں گل خان ولد سید خان قوم وگا،میر محمد ولد خیر محمد قوم قاسمانی ،رحیمو ولد الن قوم مسوری ،عبد العزیز ولد عبد الرحمان قوم سید شامل ہیں جبکہ زخمی ہونے والے 9 افراد کے ناموں کی تصدیق ہوسکی ہے جن میں اعجازولدمحمدفاضل قوم مجاور سکنہ سخی سرور ڈیرہ غازیخان،میرن شاہ ولدنذرشاہ قوم سید،خیرمحمد ولدعلی محمد قوم عیشانی کھتران،سکنہ عیشانی بارکھان،اللہ بخش ولدلادوخان قوم مری سکنہ کوہلو،خرمحمدولدعلی محمدقوم عیشانی کھتران،نظام الدین ولد عادوخان قوم سلارانی کھتران سکنہ رکنی،کمال خان ولدیت نامعلوم ،حکم بی بی دخترسفرخان قوم ڈوم ،امیراں بی بی بنت سفرخان قوم ڈوم شامل ہیں.