آسٹریلیا کے شہر سڈنی کے مشہور بونڈی بیچ پر تھوڑی دیر پہلے ایک فائرنگ کا واقعہ پیش آیا ہے۔ رپورٹس کے مطابق دو مسلح افراد نے وہاں موجود لوگوں پر اندھا دھند گولیاں برسائیں، جس کے نتیجے میں متعدد افراد ہلاک اور درجنوں زخمی ہو گئے۔
یہ حملہ ایک یہودی کمیونٹی کے ہانوکا (حنوکا) فیسٹیول کے دوران ہوا، جو ساحل پر منعقد کیا جا رہا تھا۔ پولیس نے دو ملزمان کو حراست میں لے لیا ہے اور صورتحال کو کنٹرول کر لیا گیا ہے، تاہم تحقیقات جاری ہیں۔بانڈی بیچ دنیا کا ایک مشہور اور علامتی سیاحتی مقام ہے، جسے مختلف سرویز کے مطابق اکثر دنیا کا بہترین ساحل قرار دیا جاتا ہے۔
یہ علاقہ یہودی آبادی سے گنجان آباد ہے اور آسٹریلیا کے امیر ترین مضافاتی علاقوں میں شمار ہوتا ہے۔یہاں کئی معروف اور بااثر شخصیات رہائش پذیر رہی ہیں، جن میں کیری پیکر اور ان کے صاحبزادے جیمز پیکر شامل ہیں۔ اس کے ساتھ ہی قریبی مضافات میں آسٹریلوی کرکٹر ڈیوڈ وارنر، آسٹریلوی ٹیم کے کپتان پیٹ کمنز، شین واٹسن اور متعدد دیگر آسٹریلوی کرکٹرز بھی رہتے ہیں۔سن 1986 میں عمران خان نے بھی کرکٹ این ایس ڈبلیو کے ساتھ اپنے دور کے دوران یہاں قیام کیا تھا۔
یہ فائرنگ یہودی تہوار ہنوکا فیسٹیول کے دوران پیش آئی۔واقعے کے بعد دو افراد کو حراست میں لے لیا گیا ہے۔تاحال حملے کے محرکات معلوم نہیں ہو سکے۔حملے میں دس ہلاکتیں ہوئی ہیں
ماضی میں بھی سڈنی میں ایسے واقعات پیش آ چکے ہیں، جن میں 2014 میں ایک عراقی شخص کی جانب سے سڈنی کے مرکزی علاقے میں واقع لنڈٹ کیفے میں فائرنگ کا واقعہ شامل ہے، جس میں بے گناہ افراد نشانہ بنے تھے۔گزشتہ چھ ماہ کے دوران سڈنی میں مہاجرین کے خلاف متعدد احتجاجی ریلیاں بھی دیکھنے میں آئی ہیں۔اس کے علاوہ، صرف دو ہفتے قبل آسٹریلوی سینیٹر پاؤلین ہینسن پارلیمنٹ میں مکمل برقع پہن کر داخل ہوئیں، جس پر دو مسلم سینیٹرز فاطمہ پے مین اور لاہور میں پیدا ہونے والی مہرین فاروقی کے خلاف اشتعال انگیزی کی گئی۔اگرچہ معاشرے میں مہاجرین کے خلاف نفرت کے رجحانات دیکھے جا رہے ہیں، تاہم بانڈی میں ہونے والا یہ حملہ کسی بھی مسئلے کا حل نہیں۔یہ واقعہ کسی بھی قسم کے تشدد یا نفرت کے لیے کوئی جواز فراہم نہیں کرتا۔
گزشتہ سال ہی بونڈی شاپنگ مال میں ایک ذہنی مریض شخص نے ایک پاکستانی سیکیورٹی گارڈ کو چاقو مار کر قتل کر دیا تھا، تاہم اس حملے میں اس نے بے گناہ سفید فام افراد کو بھی نشانہ بنایا تھا۔آج کی یہ فائرنگ ایک نہایت احمقانہ اور مکمل طور پر بے سوچے سمجھے عمل ہے۔آسٹریلیا ایک عظیم ملک رہا ہے اور مہاجرین کے لیے مواقع کی ایک بہترین سرزمین ثابت ہوا ہے۔
