لندن: برطانیہ کے سابق وزیر اعظم بورس جانسن پر پارلیمنٹ میں داخل ہونے کی پا بندی لگ گئی-
باغی ٹی وی : کورونا وبا کے دوران سرکاری رہائش گاہ پرخلاف قانون پارٹیوں پرجھوٹ بولنے کی سزا کے تحت برطانیہ کے سابق وزیر اعظم بورس جانسن پر پارلیمنٹ کےدروازے بند کیے گئےہیں بورس جانسن پارلیمنٹ میں داخلےکے لیےسابق اراکین کو ملنےوالےخصوصی پاس سے محروم کر دیئے گئے ہیں۔
اراکین پارلیمنٹ نے بورس جانسن سے متعلق پرویلج کمیٹی کی رپورٹ منظور کر لی ہےرپورٹ منظور کرنے کے حق میں 354 اور مخالفت میں صرف 7 ووٹ پڑے، کمیٹی نے بورس جانسن کو 90 روز کیلئے معطل کرنے اور پارلیمنٹ میں داخلے سے روکنے کی سفارش کی تھی۔
ملائشیا نے بھی بھارتی تیجا طیارے خریدنے سے انکار کر دیا
میڈیا رپورٹس کے مطابق کمیٹی بورس جانسن کی ابتدا میں صرف 10 دن سے زائد کی معطلی چاہتی تھی، بورس جانسن کے کمیٹی پر الزامات کے بعد کمیٹی نے معطلی کی مدت میں اضافہ کیا جبکہ بورس جانسن کے حلقے میں 20 جولائی کو ضمنی الیکشن کا اعلان بھی کردیا گیا ہے۔
قبل ازیں ایک برطانوی پارلیمانی کمیٹی کی انکوائری کے نتائج میں انکشاف کیا گیا تھا کہ سابق برطانوی وزیراعظم بورس جانسن نے جان بوجھ کر لاک ڈاؤن پارٹیوں کے معاملے پر پارلیمان کو گمراہ کیا کمیٹی نے پایا کہ جانسن نے متعدد مواقع پر ہاؤس آف کامنز کو بار بار گمراہ کیا، گزشتہ ہفتے کمیٹی کی رپورٹ کو چیلنج کرکے مزید غلط اور توہین آمیز رویے کا ارتکاب کیا، اور ساتھ ہی ایوان نمائندگان کے جمہوری عمل کو نقصان پہنچایا۔
امریکی وزیرخارجہ بلنکن کی چینی صدر سے ملاقات
کمیٹی نے مزید کہا کہ جانسن گذشتہ ہفتے نائب کی حیثیت سے استعفیٰ دینے کے بعد کمیٹی کے خلاف دھمکی دینے والی مہم میں ملوث تھے اور ان کا طرز عمل زیادہ خطرناک اس لیے ہے کیونکہ وہ سابق وزیر اعظم کی حیثیت سے اہم منصب پر فائز رہ چکے ہیں۔
بعدازاں بورس جانسن نے کمیٹی کو ایک "کینگرو کورٹ” قرار دیا اور دعویٰ کیا کہ اس کی سال بھر کی انکوائری "ایک طویل سیاسی قتل ہے انہوں نے کمیٹی کے خلاف تعصب کا الزام لگایا، اور کہا کہ کمیٹی کا نتیجہ "بکواس” اور "جھوٹ” ہے اور یہ "حقائق سے متصادم ہے۔