کوٹ مٹھن (باغی ٹی وی) ڈکیتی کے دوران بی ایم پی اہلکار جواد گورچانی زخمی، موٹر سائیکل چھین لی گئی
تفصیل کے مطابق تھانہ کوٹ مٹھن کی حدود میں بستی پھلی کے قریب گزشتہ رات دو نامعلوم مسلح ڈاکوؤں نے بی ایم پی اہلکار جواد گورچانی کو نشانہ بنایا۔ ڈاکوؤں نے 125 موٹر سائیکل پر سوار ہو کر فائرنگ کی، جس سے اہلکار جواد گورچانی زخمی ہوگیا۔ ملزمان فائرنگ کے بعد بی ایم پی اہلکار کی سی ڈی موٹر سائیکل چھین کر فرار ہوگئے۔
زخمی اہلکار کو فوری طور پر آر ایچ سی کوٹ مٹھن منتقل کر دیا گیا ہے، جہاں اسے طبی امداد فراہم کی جا رہی ہے۔ اطلاع ملتے ہی پولیس نے جائے وقوعہ پر پہنچ کر تحقیقات کا آغاز کر دیا اور ملزمان کی گرفتاری کے لیے اقدامات شروع کر دیے ہیں۔
