اسلام آباد: غیر قانونی اسلحہ و شراب برآمدگی کے کیس میں اہم پیش رفت سامنے آئی ہے، جہاں اسلام آباد کے سینئر سول جج مبشر حسن چشتی نے علی امین گنڈاپور کے ناقابل ضمانت وارنٹ گرفتاری کو برقرار رکھتے ہوئے اس کیس کی سماعت 29 جنوری تک ملتوی کر دی ہے۔
تھانہ بہارہ کہو میں درج غیر قانونی اسلحہ اور شراب برآمدگی کے مقدمے میں علی امین گنڈاپور کی گرفتاری کے لیے عدالت نے وارنٹ جاری کیے تھے، تاہم ابھی تک ان کی گرفتاری عمل میں نہیں آئی۔ عدالت نے اس کیس کے حوالے سے پولیس کے عمل پر عدم اطمینان کا اظہار کرتے ہوئے ڈی آئی جی آپریشنز سے وضاحت طلب کی ہے کہ وہ عدالت کے احکامات پر عملدرآمد میں کیوں ناکام رہے۔سینئر سول جج اسلام آباد، مبشر حسن چشتی نے دوران سماعت کہا کہ علی امین گنڈاپور کے ناقابل ضمانت وارنٹ گرفتاری کا معاملہ سنجیدہ ہے اور اس پر فوری کارروائی کی ضرورت ہے۔ انہوں نے ڈی آئی جی آپریشنز سے پوچھا کہ وہ عدالت کے حکم پر عمل کیوں نہیں کر پا رہے اور اس کے حوالے سے اپنی وضاحت پیش کریں۔
مقدمہ میں غیر قانونی اسلحہ اور شراب کی برآمدگی کے الزامات ہیں، جن پر عدالت نے متعلقہ حکام سے مزید معلومات اور کارروائی کی تفصیل طلب کی۔عدالت کی طرف سے یہ واضح کیا گیا کہ آئندہ سماعت 29 جنوری کو ہوگی، جس میں علی امین گنڈاپور کی گرفتاری اور دیگر قانونی پہلوؤں پر مزید فیصلے کیے جائیں گے۔
ٹرمپ کی سعودی اسرائیل تعلقات میں بہتری کی امید
نماز کی مبینہ بے حرمتی کا مقدمہ،رجب بٹ کی حفاظتی ضمانت منظور
چھوٹی آستینوں، ٹائٹ یا دھیان بھٹکانے والے کپڑے نہ پہنیں،طلبا کیلیے ہدایات
