ٹائٹن حادثے میں 5 افرادکی موت سے بھی سبق نہ سیکھا گیا۔
اوشین گیٹ ایکسپی ڈیشنز نے ٹائی ٹینک کی باقیات دیکھنے کے خواہش مندوں کے لئے سیاحتی سفر کا اشتہار ایک بار پھر جاری کر دیا ہے، ٹائٹن کے تباہ ہونے کے بعد بھی کمپنی کی جانب سے اشتہار جاری کیا گیا ہے جس میں کہا گیا ہے کہ ٹائی ٹینک کی باقیادت دیکھنے کے لئے ڈھائی لاکھ ڈالر کا سیاحتی سفر کریں،اگلے سال ٹائیٹینک کے ملبے تک جانے کے لیے 2 دوروں کا اشتہار ابھی تک کمپنی کی ویب سائٹ پر موجود ہے، ابھی پچھلے حادثے کو ہوئے شاید دس دن بھی نہیں ہوئے،
اوشین گیٹ ایکسپی ڈیشنز کی ویب سائٹ پر موجود اشتہار کے مطابق، گہرے سمندر کی تلاش کرنے والی کمپنی اگلے سال 12 سے 20 جون اور 21 جون سے 29 جون تک، 250,000 ڈالر کی لاگت سے ٹائیٹینک کے دو دوروں کا منصوبہ بنا رہی ہے اس کرایے میں ایک آبدوز غوطہ خوری، نجی رہائش، تمام ضروری تربیت، مہم کا سامان اور جہاز کے کھانے کی قیمت شامل ہے کمپنی کا کہنا ہے کہ پہلے دن مسافر اپنی مہم کی ٹیم سے ملنے اور جہاز پر سوار ہونے کے لیے سمندر کے کنارے واقع شہر سینٹ جانز پہنچیں گے
واضح رہے کہ 1912 میں تباہ ہونے والے مسافر بردار بحری جہاز ٹائی ٹینک کا ملبہ دیکھنے کیلئے جانے والی آبدوز ٹائٹن 18 جون کو بحر اوقیانوس میں لاپتا ہوگئی تھی اوشین گیٹ کی ٹائٹن آبدوز کے حادثے میں پاکستانی کاروباری شخصیت شہزادہ داؤد اور ان کے بیٹے سلیمان داؤد سمیت 5 سیاح مارے گئے تھے ،امریکی کوسٹ گارڈ نے برطانوی خبر رساں ادارے کو بتایا ہے کہ ٹائٹن آبدوز کے ملبے سے ممکنہ طور پر انسانی باقیات بھی ملی ہیں
سیاحوں کی آبدوز ٹائٹن کے زیر سمندر پھٹنے کی تحقیقات شروع
آبدوز ٹائٹن کے سفر کی رعایتی پیشکش ٹھکرا کر بچ جانے والا جے بلوم
روس:ویگنر گروپ نے اپنے جنگجوؤں کوواپس بُلالیا
اوشین گیٹ کمپنی کی آبدوز ’ٹائٹن‘ کا ملبہ نکال لیا گیا
