ڈی آئی خان میں اقوام متحدہ کی گاڑی پر فائرنگ

خٰبر پختونخوا کے علاقے ڈیرہ اسماعیل خان میں این جی او گاڑی پر حملہ ہوا ہے

ڈیرہ اسماعیل خان تھانہ ہتھالہ کی حدود ٹانک روڑ پر بھگوال کے قریب ٹانک جاتے ہوئے اقوام متحدہ او پی ایف واٹر منیجمنٹ این جی اوز کی گاڑی پر نامعلوم مسلح افراد نے فائرنگ کی تاہم فائرنگ سے گاڑی میں سوار تمام افراد محفوظ رہے جبکہ گاڑی کو نقصان پہنچا ہے، اطلاع پر پولیس موقع پر پہنچ گئی،پولیس حکام کے مطابق اقوام متحدہ کی گاڑی بلٹ پروف ہونے کی وجہ سے گاڑی میں سوار افراد محفوظ رہے ،پولیس نے علاقے میں سرچ آپریشن شروع کر دیا ہے.پولیس کے مطابق گاڑی پینے کے صاف پانی کے سیمپل کیلئے گئی ہوئی تھی۔

اقوام متحدہ کی گاڑی پر فائرنگ کے بعد اقوام متحدہ کے اہلکار سخت سیکورٹی میں واپس روانہ ہو گئے ہیں، آئی جی خیبر پختونخوا نے واقعہ کی رپورٹ طلب کر لی ہے