لیول پلینگ فیلڈ،الیکشن کمیشن نے تحریک انصاف کو یقین دہانی کروادی
انتخابی عمل میں رکاوٹوں کے حوالے سے شکایات،الیکشن کمیشن کا صوبائی الیکشن کمشنر،آئی جی کو مراسلہ
پی ٹی آئی کولیول پلیئنگ فیلڈ نہ ملنے کامعاملہ،الیکشن کمیشن نے صوبائی الیکشن کمشنرز، چیف سیکرٹریز اور آئی جی سندھ کو مراسلے بھجوا دیئے
الیکشن کمیشن کی جانب سے بھجوائے گئے مراسلے میں کہا گیا ہے کہ انتخابی عمل میں رکاوٹوں کے حوالے سے شکایات موصول ہوئی ہیں،الیکشن کمیشن نے شکایات کا سختی سے نوٹس لے لیا ،تمام شکایات کا قانون کے مطابق ازالہ کیا جائے ، میڈیا کے ذریعے کاغذات نامزدگی کے حصول اور جمع کرانے دشواریاں کی شکایات ملیں،امیدواروں سے کاغذات نامزدگی چھیننے کی شکایات بھی سامنے آئی ہیں،
مراسلہ سیکرٹری الیکشن کمیشن کی جانب سے بھیجا گیا ،الیکشن کمیشن کی جانب سے مراسلہ پی ٹی آئی وفد سے ملاقات کے بعد جاری کئے گئے،الیکشن کمیشن کے مراسلے میں کہا گیا کہ شفاف الیکشن کا انعقاد الیکشن کمیشن کی ذمہ داری ہے، الیکشن کمیشن کی جانب سے مراسلہ تمام آئی جیز کو بھی بھیجا گیا،چیف کمشنر اسلام آباد کو بھی مراسلہ ارسال کیا گیا
قبل ازیں سپریم کورٹ کی ہدایت پر پی ٹی آئی وفد کی چیف الیکشن کمشنر سے ملاقات ختم ہو گئی،الیکشن کمیشن نے سپریم کورٹ کی ہدایت کے مطابق تحریک انصاف کو لیول پلئینگ فیلڈ کی فراہمی،امیدواروں کو کاغذات نامزدگی جمع کرانے سے متعلق مشکلات دور کرنے کی یقین دہانی کرا دی،
ملاقات کے بعد میڈیا سے گفتگو کرتے ہوئے شعیب شاہین کا کہنا تھا کہ سپریم کورٹ کے فیصلے کی روشنی میں الیکشن کمشنر سے ملاقات کی اور انہوں نے ہمیں تحمل سے سنا ہے اور یقین دہانی کروائی ہے کہ جن ریٹرننگ آفیسر نے آزاد اور غیر جانبدار انتخابات میں مسائل پیدا کرنے کی کوشش کی ہے انکے خلاف ایکشن ہوگا۔امید کرتے ہیں چیف الیکشن کمشنر شفاف الیکشن کو یقینی بنائیں گے،ہم نے انٹرا پارٹی الیکشن میں بلے کے انتخابی نشان کا پوچھا کہ ابھی تک فیصلہ کیوں نہیں آیا؟ الیکشن کمیشن نے کہا کہ رات بارہ سے پہلے فیصلہ جاری کردیا جائے گا، پی ٹی آئی کو بلے کا نشان نہ دینے کی تمام سازشیں ناکام ہوجائیں گی ،آج الیکشن کمیشن سے تحریک انصاف کو بلے کا نشان مل جائے گا،ہم امید کرتے ہیں کہ یہ جانبداری اور سہولت کاری چھوڑ دیں،ہمارے لوگوں کو خفیہ ہاتھ اغوا کررہے ہیں اتنا ظلم پہلے کبھی نہیں دیکھا لیکن خان صاحب کا جیل سے پیغام ہے میرا جینا مرنا پاکستان میں ہے حقیقی آزادی کی جدوجہد کرتا رہوں گا،
نیازاللہ نیازی کا کہنا تھا کہ ہماری جنگ کسی ادارے سے نہیں ہے ہماری جنگ صرف یہ ہے کہ الیکشن صاف اور شفاف ہونے چاہئیں
لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری
عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟
الیکشن کمیشن کو تمام شکایات پر فوری ایکشن لیکر حل کرنے کا حکم
