ڈائریکٹر ایف آئی اے لاہور زون کی ہدایت پر ہنڈی حوالہ اور کاپی رائٹ مافیا کے خلاف بڑا کریک ڈاؤن جاری ہے
کارپوریٹ کرائم سرکل لاہور نے کریک ڈاون کے دوران 5 ملزمان کو گرفتار کر لیا گیا ،چھاپہ مار کاروائیاں بادامی باغ، سبزہ زار لاہور میں کی گئیں،پہلی کاروائی میں ہنڈی حوالہ میں ملوث ملزم عثمان بٹ کو لاہور سے گرفتار کیا ،ملزم کے قبضے سے 17 لاکھ 88 ہزار روپے برآمد کر لئے گئے۔ملزم حوالہ ہنڈی اور کرنسی کی غیر قانونی ایکسچینج میں ملوث تھا۔ دوسری کاروائی میں غیر معیاری انجن آئل کی تیاری اور فروخت میں ملوث 4 ملزمان کو گرفتار کر لیا
گرفتار ملزمان میں سرفراز احمد، وقار محمود، محمد عادل اور نیئر رفیق شامل تھے،دوران ریڈ ملزمان کے قبضہ سے بھاری مقدار میں رجسٹرڈ کمپنی کا پائریٹڈ ،غیر معیاری انجن آئل برآمد کر لیا گیا،ملزمان غیر معیاری انجن آئل تیار کرکے رجسٹرڈ کمپنی کا نام استعمال کرتے ہوئے فروخت کر رہے تھے۔ غیر معیاری انجن آئل سے ناصرف گاڑیوں کو نقصان بلکہ ماحولیاتی آلودگی میں بھی اضافے کا باعث بن رہا تھا۔ترجمان ایف آئی اے کے مطابق ملزمان کے خلاف مقدمہ درج کر کے تفتیش کا آغاز کر دیا گیا۔
چھاپہ مار ٹیم نے انسانی سمگلنگ کے جرم میں ملوث اشتہاری ملزم کو لاہور سے گرفتار کر لیا
دوسری جانب اینٹی ہیومن ٹریفکنگ سرکل لاہور کی بڑی کارروائی ، چھاپہ مار ٹیم نے انسانی سمگلنگ کے جرم میں ملوث اشتہاری ملزم کو لاہور سے گرفتار کر لیا۔ملزم نے شہری سے بیرون ملک بھیجنے کے لیے لاکھوں روپے بٹورے ،ملزم نے شکایت کنندہ کو بیرون ملک بھیجنے کے لئے 46 لاکھ روپے وصول کیے تھے ،ملزم پیسے وصول کر کے روپوش ہو گیا تھا ،ملزم محمد ندیم کے خلاف اینٹی ہیومن ٹریفکنگ سرکل لاہور میں مقدمہ درج تھا ،ملزم سال 2012 سے مقدمے میں مطلوب تھا،ملزم کو گرفتار کر کے تفتیش کا آغاز کر دیا گیا ہے۔ڈائریکٹر ایف آئی اے لاہور زون سرفراز ورک کی ہدایت پر انسانی سمگلروں اور اشتہاریوں کی گرفتاری کے لئے چھاپہ مار کارروائیاں جاری ہیں۔ ترجمان ایف آئی اے کے مطابق ڈپٹی ڈائریکٹر اینٹی ہیومن ٹریفکنگ سرکل لاہور ریاض خان نے اشتہاریوں کی گرفتاری کے لئے خصوصی اسکواڈ تشکیل دئیے ہیں۔
.لیبیا سے آنے والے 21 مسافروں کو کمپوزیٹ سرکل گجرات اور گجرانوالہ منتقل کر دیا گیا
دوسری جانب ایف آئی اے امیگریشن کی سیالکوٹ ائرپورٹ پر بڑی کاروائی .لیبیا سے آنے والے 21 مسافروں کو کمپوزیٹ سرکل گجرات اور گجرانوالہ منتقل کر دیا گیا ،21 مسافروں میں سے 11 ملزمان نے پاکستان آنے کے لئے مختلف پاکستانی پاسپورٹس کا استعمال کیا .گرفتار ملزمان نے مذکورہ پاسپورٹس مختلف ایجنٹوں سے حاصل کئے۔ ابتدائی تفتیش کے مطابق ملزمان نے ایجنٹوں کی مدد سے غیر قانونی طریقوں سے لیبیا سے اٹلی جانے کی کوشش کی ،ملزمان نے مختلف ایجنٹوں کو فی کس 22 لاکھ سے 26 لاکھ روپے غیر قانونی طریقے سے بیرون ملک اٹلی جانے کے لئے دئیے۔ گرفتار ملزمان میں مدثر جاوید، اویس افضل، اسامہ افضل، حامد، محمد سعید، زین علی، حسیب نواز، وسیم قیصر، فیضان علی اور یاسر محمود شامل ہیں،گرفتار 11 ملزمان کو قانونی کاروائی کے لئے کمپوزٹ سرکل گجرات اور گجرانوالہ منتقل کر دیا گیا ،دیگر 10 مسافروں کو بھی ایجنٹوں کی نشاندہی کے لئے کمپوزٹ سرکل گجرات اور گجرانوالہ منتقل کر دیا گیا۔ ترجمان ایف آئی اے کے مطابق انچارج ایف آئی اے امیگریشن سیالکوٹ ائرپورٹ امام زیدی کی جانب سے ٹیم کی کارکردگی کو سراہا گیا۔
یونان کشتی حادثے میں 3 انکوائریاں اور 6 مقدمات درج
کشتی حادثہ،میتوں کو جلد از جلد پاکستان لانے کے فوری انتظامات کئے جائیں ،نواز شریف
کشتی حادثہ پر مریم نواز کا ردعمل
کشتی ڈوبنے کے حادثے پرنسل پرستانہ تبصرہ،یونانی رکن پارلیمنٹ کی پارٹی رکنیت معطل
انسانی اسمگلنگ میں ملوث گینگ کے خلاف کریک ڈاؤن
لیبیا کشتی حادثہ میں ملوث انسانی سمگلر کو گرفتار
حادثے کے مرکزی ملزم ممتاز آرائیں کو وہاڑی سے گرفتار کیا گیا
