اسلام آباد کی انسداد دہشت گردی کی عدالت نے چیئرمین پی ٹی آئی عمران خان اور شاہ محمود قریشی کے خلاف احتجاج، توڑ پھوڑ سے متعلق 3 کیسز کی سماعت بغیر کارروائی ملتوی کر دی
انسداد دہشت گردی کی عدالت کے جج ابو الحسنات ذوالقرنین نے سماعت کی۔پراسیکیوٹر چھٹی پر ہونے کی وجہ سے عدالت کے سامنے پیش نہیں ہوئے،چیئرمین پی ٹی آئی عمران خان کی تین ضمانت کی درخواستیں ہائیکورٹ نے بحال کردی تھیں،ہائیکورٹ نے اے ٹی سی کو ضمانت کی درخواستیں دوبارہ سننے کی ہدایت کی تھی، دوران سماعت وکلا نے کہاکہ عدالت آئندہ سماعت پر دوسرے کیس کے ساتھ یہ سماعت بھی سن سکتی ہے،
جج نے ریمارکس دیتے ہوئے کہا کہ ریکارڈ ساتھ جیل لے جائیں پھر دیکھ لیں گے،شاہ محمود قریشی کے وکیل علی بخاری عدالت کے سامنے پیش ہوئے،عدالت نے کہاکہ اگر چیئرمین پی ٹی آئی کی درخواست کے ساتھ ہی سن لیں تو ٹھیک نہیں؟ وکیل علی بخاری نے کہاکہ میں تو ابھی تیار ہوں عدالت مجھے سن کر فیصلہ کردے،پراسیکیوٹر نے بھی کہا تھا شریک ملزمان کی ضمانتیں کنفرم ہو چکی ہیں،پولیس اگر شاہ محمود قریشی کیخلاف بھی لکھ کر لے آئے تب بھی ضمانت تو کنفرم ہونی ہی ہے،عدالت ے کہاکہ چیئرمین پی ٹی آئی کی درخواستوں کے ساتھ ہی جیل میں اس سماعت کو سن لیں گے،جج ابوالحسنات ذوالقرنین نے کہاکہ جیل میں ہی دونوں کیسز کی سماعت کرلیں گے،عدالت نے پراسیکیوٹر کی عدم موجودگی پر سماعت 14نومبر تک ملتوی کردی
