پاراچنار میں خیبر پختونخوا حکومت کے ہیلی کاپٹر پر فائرنگ کا واقعہ پیش آیا ہے، خیبر پختونخوا حکومت کا وفد پارا چنار گیا تھا، ہیلی کاپٹر میں صوبائی وزیر قانون آفتاب عالم ایڈووکیٹ کی سربراہی میں وفد موجود تھا۔
فائرنگ کے واقعہ کے بعد ہیلی کاپٹر کی محفوظ لینڈنگ ہوئی ہے، خیبر پختونخوا حکومت کا وفد محفوظ رہا، وفد وزیراعلیٰ خیبر پختونخوا علی امین گنڈاپور کی ہدایت پر روانہ ہوا تھا،وفد کرم میں امن و امان کا جائزہ لینے اور امن جرگے کو دوبارہ فعال کرنے کے لیےجا رہا تھا، وفد میں چیف سیکریٹری اسلم چوہدری، کمشنر کوہاٹ ڈویژن، ڈی آئی جی کوہاٹ اور دیگر شریک تھے۔
وزیر داخلہ محسن نقوی نے بھی آج پارا چنار کا دورہ کرنا تھا تا ہم خراب موسم کی وجہ سے پارا چنار کا دورہ ملتوی ہوا، تاہم خیبر پختونخوا حکومت کا وفد پارا چنار گیا تھا
واضح رہے کہ ضلع کرم کی تحصیل پارا چنار میں 21 نومبر کو مسافر گاڑیوں کے قافلے پر حملے کے نتیجے میں 42 اموات کے بعد علاقے میں احتجاج جاری ہے وزیراعلیٰ خیبرپختونخوا علی امین گنڈاپور کی ہدایت پر صوبائی وزیر قانون آفتاب عالم ایڈووکیٹ، چیف سیکرٹری خیبرپختونخوا، کمشنر کوہاٹ ڈویژن، ڈی آئی جی کوہاٹ اور ڈی پی او سمیت دیگر اعلی افسران پر مشتمل وفد کرم کے حالات کا جائزہ لینے اور امن و امان کی بحالی کے لیے جرگے کو دوبارہ فعال کرنے کے لیے کرم روانہ ہوا تھا،
پارا چنار میں تین روزہ سوگ کے اعلان کے سلسلے میں آج مارکیٹیں تیسرے روز بھی بند ہیں۔ پاراچنار کے داخلی راستے پر گذشتہ روز بابِ کرم کے نام سے سڑک پر بنے ایک دروازے کو مظاہرین کی جانب سے جلایا گیا، گزشتہ روز شام کے وقت کچھ مظاہرین نے مرکزی بگن بازار میں دکانوں اور قریبی گھروں کو آگ لگائی تھی۔
کرم سانحہ اور سیاست کا گھناؤنا کھیل
