ممتاز حیدر
اسلام آباد ہائیکورٹ کے چیف جسٹس عامر فاروق نے اسلام آباد میں احتجاج کرنے والے پی ٹی آئی کے رہنماؤں اور کارکنوں کے خلاف توہینِ عدالت کے کیس کی سماعت کی،
اسلام آباد ہائیکورٹ نے پی ٹی آئی کو نوٹس جاری کرتے ہوئے آئندہ ہفتے تک جواب طلب کر لیا ہے۔ عدالت نے اس کے ساتھ ہی سیکریٹری داخلہ، چیف کمشنر، ڈپٹی کمشنر اور آئی جی اسلام آباد کو بھی نوٹس جاری کرتے ہوئے ان سے وضاحت طلب کی ہے کہ ہائیکورٹ کے حکم کے باوجود مظاہرین اسلام آباد میں کیوں آئے اور ان کے احتجاج کے دوران امن و امان کی صورت حال کیوں خراب ہوئی۔
اسلام آباد کے سیکٹر ایف 7 کی تاجر تنظیم نے توہینِ عدالت کی درخواست دائر کی ہے۔ درخواست میں کہا گیا ہے کہ اسلام آباد ہائیکورٹ نے واضح حکم دیا تھا کہ احتجاج نہ کیا جائے، مگر اس کے باوجود پی ٹی آئی کے کارکنوں نے شہر میں مظاہرے کیے، جس سے شہریوں کی زندگی مفلوج ہو کر رہ گئی اور کاروباری سرگرمیاں بری طرح متاثر ہوئیں۔درخواست میں یہ بھی کہا گیا ہے کہ احتجاج کی وجہ سے شہر میں نظام زندگی کا پہیہ رک گیا، جس سے شہریوں کو شدید مشکلات کا سامنا کرنا پڑا۔ تاجر تنظیم نے اپنی درخواست میں مطالبہ کیا ہے کہ عدالتی حکم کی خلاف ورزی کرنے والے افراد اور اداروں کے خلاف توہینِ عدالت کی کارروائی کی جائے۔
پی ٹی آئی کے رہنماؤں کے خلاف توہینِ عدالت کی کارروائی کا امکان ہے، جس پر آئندہ سماعت میں مزید تفصیل سامنے آئے گی۔ عدالت نے کیس کی مزید سماعت آئندہ ہفتے تک ملتوی کر دی ہے، جس دوران پی ٹی آئی، حکومت اور انتظامیہ کو اپنی پوزیشن واضح کرنے کا موقع ملے گا۔
احتجاج ،ناکامی کا ذمہ دار کون،بشریٰ پر انگلیاں اٹھ گئیں
پی ٹی آئی کا ہلاکتوں کا دعویٰ فیک نکلا،24 گھنٹے گزر گئے،ایک بھی ثبوت نہیں
مظاہرین کی اموات کی خبر پروپیگنڈہ،900 سے زائد گرفتار
شرپسند اپنی گاڑیاں ، سامان اور کپڑے چھوڑ کر فرار ہوئے ہیں ،عطا تارڑ
مبشر لقمان کی وزیر داخلہ محسن نقوی پر تنقید،رانا ثناء اللہ کے دور سے موازنہ
انتشار،بدامنی پی ٹی آئی کا ایجنڈہ،بشریٰ بی بی کی "ضد”پنجاب نہ نکلا
