انسداد دہشت گردی عدالت لاہور نے پاکستان تحریک انصاف کے رہنماوں کو اشتہاری قرار دے دیا
عدالت نے غلام عباس ، علی حسن ، سعید احمد سندھو، شفقت امین سندھو کو بھی اشتہاری قرار دیا،چیئرمین پی ٹی آئی کی بہنوں عظمیٰ خان اور علیمہ خان کو بھی اشتہاری قرار دے دیا گیا،عندلیب عباس ، احمد خان نیازی بھی اشتہاریوں میں شامل ہیں،خالد گلزار ، اور سابق ایم این اے کرامت علی کھوکھر بھی اشتہاریوں کی فہرست میں شامل ہیں
دوسری جانب پی ٹی آئی چیئرمین کی ہمشیرہ عظمیٰ خان انٹی کرپشن عدالت میں پیش ہوئیَ عظمیٰ خان کی عبوری ضمانت میں 31 اگست تک توسیع کر دی گئی،عظمیٰ خان کو دوبارہ 31 اگست کو عدالت میں پیش ہونے کا حکم دے دیا گیا
دوسری جانب جناح ہاؤس حملہ اور توڑ پھوڑ کا معاملہ،عدالت نے سابق گورنر عمر سرفراز چیمہ کے جوڈیشل ریمانڈ میں 14 دن کی توسیع کر دی،عمر سرفراز چیمہ کو بیماری کے باعث ویل چیئر پر لایا گیا،ایم ایس جناح ہپستال ڈاکٹر یحیی سلمان نے عمر سرفراز چیمہ کی میڈیکل رپورٹ پیش کی،عدالت نے عمر سرفراز چیمہ کو علاج کی اچھی سہولیات فراہم کرنے کا حکم دیا
عمر سرفراز چیمہ کو جوڈیشل ریمانڈ ختم ہونے پر پیش کیا گیا ہے،پولیس نے عمر سرفراز چیمہ کے جوڈیشل ریمانڈ میں توسیع کی استدعا کی اور کہا کہ جناح ہاؤس حملہ کیس کا چالان کی تیاری کی مرحلہ میں ہے مہلت دی جائے ملزم کے جوڈیشل ریمانڈ میں توسیع کی جائے،عمر سرفراز چیمہ جناح ہاؤس حملہ کیس گرفتار ہیں انسداد دہشت گردی عدالت کی ایڈمن جج عبہر گل خان نے سماعت کی،عمر سرفراز چیمہ اور دیگر کے خلاف تھانہ سرور روڈ میں مقدمہ نمبر 96/23 درج کیا گیا ہے
