ناکام احتجاج، سلمان اکرم راجہ پارٹی عہدے سے مستعفی

پی ٹی آئی سیکرٹری جنرل سلمان اکرم راجہ نے پارٹی عہدے سے استعفیٰ دے دیا ہے

پاکستان تحریک انصاف (پی ٹی آئی) کے سینئر رہنما سلمان اکرم راجہ نے پارٹی کے سیکریٹری جنرل کے عہدے سے استعفیٰ دے دیا ہے،سلمان اکرم راجہ کا استعفیٰ ایک ایسے وقت میں آیا ہے جب پی ٹی آئی میں سیاسی اور تنظیمی بحران شدت اختیار کر چکا ہے۔ پارٹی بشریٰ بی بی کی ضد کی وجہ سے مزید تقسیم ہو چکی ہے، عمران خان کی رہائی کے لئے احتجاج پی ٹی آئی کے گلے پڑ گیا، بشریٰ بی بی ڈی چوک سے فرار ہونے کے بعد سے ابھی تک خاموش ہیں.سلمان اکرم راجہ کو لاہور سے قافلہ لیکر اسلام آباد جانے کی ذمہ داری سونپی گئی تھی،راستے بند ہونے کے بعد سلمان اکرم راجہ کی جانب سے لاہور میں ہی احتجاج کا پلان بنایا گیا تھا،سلمان اکرم راجہ لاہور میں بھی ورکرز کو نکالنے میں ناکام رہے تھے

سلمان اکرم راجہ ایک معروف قانون دان ہیں۔ انہوں نے پاکستان تحریک انصاف میں اہم عہدوں پر خدمات انجام دیں اور پارٹی کے اہم قانونی مشیر کے طور پر بھی کام کیا۔ ان کا استعفیٰ پارٹی کے لیے ایک بڑا جھٹکا ہے، کیونکہ وہ ایک اہم اور متحرک شخصیت کے طور پر جانے جاتے تھے۔تاہم 24 نومبر کو سلمان اکرم راجہ لاہور میں رہے اور اسلام آباد احتجاج کے لئے نہ نکلے، سلمان اکرم راجہ نے اسلام آباد نہ جانے پر کہا تھا کہ لاہور کے داخلی و خارجی راستے بند تھے اسلئے اسلام آباد نہیں جا سکا تھا

سلمان اکرم راجہ کے استعفیٰ کے بعد پارٹی کارکنان کا بیرسٹر گوہر،حماد اظہر سے بھی استعفے کا مطالبہ
دوسری جانب سلمان اکرم راجہ کے استعفیٰ کے بعد پی ٹی آئی کارکنان نے حماد اظہر سے بھی استعفیٰ مانگ لیا،ایک کارکن کا کہنا تھا کہ سلمان اکرم راجہ نے عہدے سے استغفی دے دیا، ان حماد اظہر آپ بھی فوری استعفی دو

سلمان اکرم راجہ نے عہدے سے استغفی دے دیا، ان حماد اظہر آپ بھی فوری استعفی دو pic.twitter.com/qJ7MCfrA7y

— Faisal Khan (@KaliwalYam) November 28, 2024

ایک پی ٹی آئی کارکن نے پی ٹی آئی چیئرمین بیرسٹر گوہر کو ایکس پر ٹیگ کرتے ہوئے کہا کہ بہتر ہوگا آپ بھی خود ہی استعفیٰ دے دیں بیرسٹر گوہر، جیسے سلمان اکرم راجہ نے دیا !!میری سوچ سے بھی زیادہ بزدل ڈرپوک نکلے آپ !!

https://twitter.com/Haider4PTI/status/1862102683642925475

دوسری جانب چیئرمین پی ٹی آئی بیرسٹرگوہر علی نے مستعفی ہونے سے متعلق خبروں کی تردید کردی کہا،پارٹی کا منتخب چیئرمین ہوں،مستعفی نہیں ہوا،میرے استعفیٰ سے متعلق خبریں گمراہ کن ہیں،کان نہ دھریں،

پی ٹی آئی کا ہلاکتوں کے حوالے سے جھوٹا پروپیگنڈا بے نقاب

احتجاج ،ناکامی کا ذمہ دار کون،بشریٰ پر انگلیاں اٹھ گئیں

پی ٹی آئی کا ہلاکتوں کا دعویٰ فیک نکلا،24 گھنٹے گزر گئے،ایک بھی ثبوت نہیں

مظاہرین کی اموات کی خبر پروپیگنڈہ،900 سے زائد گرفتار

شرپسند اپنی گاڑیاں ، سامان اور کپڑے چھوڑ کر فرار ہوئے ہیں ،عطا تارڑ

مبشر لقمان کی وزیر داخلہ محسن نقوی پر تنقید،رانا ثناء اللہ کے دور سے موازنہ

انتشار،بدامنی پی ٹی آئی کا ایجنڈہ،بشریٰ بی بی کی "ضد”پنجاب نہ نکلا