الیکشن کمیشن نے قومی اور صوبائی اسمبلیوں کے ضمنی الیکشن کا شیڈول جاری کردیا
ملک بھر میں خالی نشستوں پر ضمنی انتخابات 21 اپریل کو ہوں گے،الیکشن کمیشن کی جانب سے جاری اعلامیہ کے مطابق قومی اسمبلی کی 6،پنجاب اسمبلی کی 12 نشستوں پر ضمنی انتخابات ہوں گے،خیبرپختونخوا اسمبلی کی2،بلوچستان اسمبلی کی2 اور سندھ اسمبلی کی 1 نشست پرضمنی انتخابات ہوں گے،ضمنی انتخابات کیلئے کاغذات نامزدگی16 سے18 مارچ تک جمع کرائے جاسکیں گے،کاغذات نامزدگی کی جانچ پڑتال 21 مارچ کو ہوگی،کاغذات نامزدگی کے خلاف اپیلیں 25 مارچ تک جمع کرائی جاسکیں گی،الیکشن ٹریبونل 28 مارچ تک اپیلیں نمٹائیں گے،کاغذات نامزدگی 29 مارچ تک واپس لیے جاسکیں گے،حتمی امیدواروں کی فہرست 29 مارچ کو آویزاں کی جائے گی،انتخابی نشانات 30 مارچ کو الاٹ کیے جائیں گے،
