باغی ٹی وی کی رپورٹ کے مطابق آج نیوزی لینڈ کرکٹ بورڈ نے آگاہ کیا ہے کہ انہیں سیکورٹی کے حوالے سے الرٹ کیا گیا ہے اس لئے یکطرفہ طور پر سیریز ملتوی کرنے کا فیصلہ کیا ہے.
پاکستان کرکٹ بورڈ اور حکومت پاکستان نے مہمان ٹیم کی سیکورٹی کے لیے فول پروف انتظامات کررکھے تھے. ہم نے نیوزی کرکٹ بورڈ کو بھی یہی یقین دہانی کرائی تھی. وزیر اعظم نے ذاتی طور پر نیوزی لینڈ کی وزیراعظم کو رابطہ کرکے انہیں بتایا کہ ہماری سیکورٹی انٹیلیجنس دنیا کی ایک بہترین ایجنسی ہے اور مہمان ٹیم کو کوئی سیکورٹی تھریٹ نہیں.نیوزی لینڈ ٹیم کے آفیشلز نے حکومت پاکستان کی سیکورٹی پر اطمینان کا اظہار کیا تھا.
دوسری جانب نیوزی لینڈ کرکٹ ٹیم نے دورہ پاکستان ختم کرنے کا اعلان کر دیا ،سی ای اونیوزی لینڈ کرکٹ کا کہنا تھا کہ ہمارے لیے دورہ پاکستا ن جاری رکھنا ممکن نہیں ،
وفاقی وزیر فواد چودھری کا کہنا تھا کہ وزیر اعظم عمران خان نے نیوزی لینڈ کی ہم منصب سے رابطہ کیا،وزیر اعظم نے نیوزی لینڈ ہم منصب کو یقین دلایا کہ ٹیم کو فول پروف سیکیورٹی میسر ہے ،نیوزی لینڈ ماہرین نے پاکستان کے سیکیورٹی انتظامات پر اطمینان کا اظہار کیا تھا نیوزی لینڈ کی وزیر اعظم نےا حتیاط کے پیش نظر دورہ ملتوی کرنے کی استدعا کی، ہماری انٹیلی جنس ایجنسیز دنیا کے بہترین انٹیلی جنس سسٹمز میں شامل ہیں،ہماری انٹیلی جنس ایجنسیز کی رائے میں نیوزی لینڈ کی ٹیم کو کسی قسم کا خطرہ نہیں
قبل ازیں نیوزی لینڈ اور پاکستان کرکٹ ٹیم تاحال سٹیڈیم نہیں پہنچ سکی ہے اورانہیں ہوٹل کے کمروں میں ہی رہنے کا کہا گیا ہے ،آئی جی اسلام آباد قاضی جمیل الرحمان نے سینئیر افسران کے ہمراہ روٹ اور سرینا ہوٹل کا دورہ کیا دورے کے دوران مہمان کرکٹ ٹیم کے سیکیورٹی انتظامات کا جائزہ لیا مہمان کرکٹ ٹیم نے روٹ اور رہائشی علاقے کے فول پروف سیکورٹی انتظامات کرنے کی ہدایت کی، آئی جی اسلام آباد کا کہنا ہے کہ سیکیورٹی انتظامات میں کسی قسم کوتاہی لاپرواہی ہرگز برداشت نہیں کی جائے گی
پاکستانی سکواڈ میں بابراعظم ، عبداللہ شفیق ، فہیم اشرف، فخر زمان ، حارث روف ،حسن علی ، افتخار احمد ، امام الحق، خوشدل شاہ، محمد حارث، محمد حسنین، محمد نواز، محمدرضوان، عماد وسیم، سعود شکیل ، شاداب خان ، شاہین شاہ آفریدی ، شاہ نواز دھانی، عثمان قادر، زاہد محمود شامل ہیں ۔نیوزی لینڈ کے سکواڈ میں کپتانی کے فرائض ٹام لتھام انجام دے رہے ہیں جبکہ ان کے علاوہ سکواڈ میں ، فن ایلن ، ہمیش بینیٹ ، بریسویل ، کولن دی گرینڈہوم، جیکب ڈفی ، میٹ ہنری ،سکاٹ کوگلیجن ،کولی میکونچی ، ڈرائل مچل، ہنری نکولس، اعجاز پاٹیل ، راچین راویندرا، بلیئر ٹکنر ، ول ینگ۔
دوسری جانب راولپنڈی کرکٹ سٹیڈیم کی سیکیورٹی انتظامیہ نے پاکستان اور نیوز ی لینڈ کے درمیان کھیلے جانے والے پہلے ون ڈے میچ میں شائقین کے موبائل فون سٹیڈیم میں لے جانے پر پابندی عائد کردی۔ نجی ٹی ہم نیوز کے مطابق شائقین کا کہنا ہے کہ ہمیں پہلے موبائل فون سٹیڈیم میں نہ لانے کے حوالے سے کیوں نہیں بتایاگیا،سٹیڈیم میں میچ دیکھنے کے لئے صرف کورونا ویکسی نیشن کارڈ لانے کا کہا گیا تھا کہ مگر یہاں آ کر موبائل فون پر بھی پابندی کا کہا جا رہاہے جس سے پریشانی کا شکار ہورہے ہیں۔
دوسری جانب پی سی بی حکام نے واضح کیا کہ موبائل فون پر پابندی کا فیصلہ کرکٹ بورڈ کی طرف سے نہیں بلکہ سٹیڈیم میں سیکیورٹی انتظامیہ کی جانب سے کیا گیا ہے۔
