بی آر آئی کا فلیگ شپ منصوبہ پاک چین تعاون کا مظہر ہے،وزیراعظم
اسلام آباد: چین کے نائب وزیر اعظم ہی لی فنگ تین روزہ دورے پرپاکستان پہنچ گئے۔
باغی ٹی وی : چین کے نائب وزیراعظم کی پاکستان آمد پر اسلام آباد ائیر پورٹ پر وفاقی وزرا احسن اقبال اور رانا ثنااللہ نے مہمان کا استقبال کیا دورہ پاکستان میں چین کے نائب وزیر اعظم سی پیک کے 10 سال مکمل ہونے کی تقریبات میں شرکت کریں گے چین کے نائب وزیراعظم صدرپاکستان، وزیراعظم اور وزیرخارجہ سے ملاقات بھی کریں گے جب کہ اسلام آباد میں آج اور کل عام تعطیل کا اعلان کیاگيا ہے۔
وفاقی وزیر احسن اقبال نے کہاکہ سی پیک نے پاکستان اور چین کو اقتصادی شعبے میں مضبوطی سے جوڑ دیا ہے، آج پاکستان آنے والے چین کے نائب وزیراعظم کا سی پیک میں اہم کردار ہے، چین نے اس وقت اربوں ڈالر کی سرمایہ کاری کی جب کوئی اور ملک تیار نہیں تھا۔
چینی نائب وزیر اعظم اسلام آباد پہنچ گئے
It is my pleasure to warmly welcome the Chinese Vice-Premier H.E. He Lifeng and members of his delegation to Pakistan. They are visiting Pakistan to join us in celebrating the 10th anniversary of CPEC and witnessing first-hand the transformations brought about by this…
— Shehbaz Sharif (@CMShehbaz) July 31, 2023
دوسری جانب وزیراعظم شہباز شریف نے چینی نائب وزیراعظم ہی لی فینگ کی آمد پرانہیں خوش آمدید کہا اس حوالے سے ٹوئٹر پر جاری بیان میں کہا کہ چین کے نائب وزیراعظم ہی لی فینگ سی پیک کی 10 سالہ تقریبات میں شرکت کے لیے پہنچے ہیں، بی آر آئی کا یہ فلیگ شپ منصوبہ پاک چین تعاون کا مظہر ہے۔
وزیراعظم نے تشدد کا شکار رضوانہ کے واقعے کا سختی سے نوٹس لے لیا
