راولپنڈی میں جنرل ہیڈ کوارٹر (جی ایچ کیو) میں آج برطانوی فوج کے چیف آف جنرل اسٹاف جنرل سر چارلس رولینڈ ونسنٹ واکر نے پاک فوج کے سربراہ فیلڈ مارشل سید عاصم منیر سے ملاقات کی ہے
آئی ایس پی آر کے مطابق ملاقات میں دوطرفہ دلچسپی کے امور، علاقائی سلامتی کی صورتحال اور دفاعی تعاون کے فروغ کے اقدامات پر تفصیلی تبادلۂ خیال کیا گیا۔ دونوں عسکری رہنماؤں نے خطے میں امن و استحکام کے لیے دوطرفہ تعاون کو جاری رکھنے کی ضرورت پر اتفاق کیا۔برطانوی چیف آف جنرل اسٹاف نے دہشت گردی کے خلاف جنگ میں پاک فوج کی قربانیوں اور کامیابیوں کو سراہا اور علاقائی امن و استحکام کے لیے پاکستان کے مثبت کردار کی تعریف کی۔اس سے قبل جنرل سر چارلس واکر نے جی ایچ کیو پہنچنے پر یادگارِ شہداء پر پھول چڑھائے اور شہداء کو خراجِ عقیدت پیش کیا۔ برطانوی جنرل کو پاک فوج کے چاق و چوبند دستے نے گارڈ آف آنر بھی پیش کیا۔
