برطانوی انٹیلی جنس کے سربراہ کی آرمی چیف باجوہ سے ملاقات

خفیہ انٹیلی جنس سروس ، برطانیہ کے سربراہ مسٹر رچرڈ مور نے آج آرمی چیف جنرل قمر جاوید باجوہ سے ملاقات کی۔

باغی ٹی وی : ملاقات کے دوران باہمی اور پیشہ ورانہ مفادات ، دونوں ممالک کے درمیان انٹیلی جنس / دفاعی تعاون اور مجموعی علاقائی سلامتی ، افغانستان میں امریکی انخلاء پر خصوصی بات چیت کی گئی-

آرمی چیف نے کہا کہ پاکستان پرامن ، مستحکم اور خوشحال افغانستان کے حصول میں مدد کر رہا ہے۔ پاکستان افغانستان کو ایک جامع تصفیہ حاصل کرنے میں مدد کے لیے ہر ممکن تعاون کرنے کو تیار ہے جو علاقائی امن اور خوشحالی کے لیے بہت ضروری ہے۔

مہمان خصوصی نے علاقائی امن اور استحکام کے لیے پاکستان کی انتھک کوششوں کو سراہا۔