گو جرہ باغی ٹی وی ( نامہ نگار عبدالرحمان جٹ سے) گوجرہ کے نواحی گاؤں میں بھینسوں اورکتوں کی لڑائی پر جواء کروانے والے تین درجن سے زائد افرادپولیس نے چھاپہ مار کر دھر لئے۔
پولیس کو اطلاع ملی تھی کہ چک نمبر415 میں بھینسوں اور کتوں کی لڑائی پر جواء کھیلا جا رہا ہے جس پر پولیس نے بروقت کارروائی کر تے ہو ئے چھاپہ مار کر موقع سے 30سے زائد افراد کوعثمان،اسد علی ساکنان شیخو پورہ،علی حسن ساہیوال سمیت دیگرکو قابو کر لیا
جبکہ موقع سے بھینسوں اور کتوں کی لڑائی کروانے والے رانا اعجاز اور بوٹا وغیرہ موقع سے فرارہوگئے اورپولیس نے موقع سے کتوں سمیت ساؤنڈ سسٹم،ٹریکٹر ٹرالی،ڈالہ کاریں وغیرہ قبضہ میں لے کر ملزمان کے خلاف کارروائی کا آغاز کر دیاہے۔
