برطانیہ سے بھارت واپس آئے کتنے افراد میں کرونا کی نئی قسم کی ہوئی تصدیق؟
باغی ٹی وی کی رپورٹ کے مطابق برطانیہ میں سامنے آنے والی کرونا کی نئی قسم دیگر ممالک میں پہنچنا شروع ہو گئی
برطانیہ میں کرونا کی نئی قسم سامنے آئی ہے جس کے بعد برطانیہ میں خوف کا سماں ہے، اب خبر آئی ہے کہ بھارت میں برطانیہ سے واپس آئے 6 افراد میں کورونا کی نئی قسم کی تصدیق ہوئی ہے جس کے بعد انہیں قرنطینہ کر دیا گیا ہے
برطانیہ سے واپس آنے والے بھارتی شہریوں کے کرونا ٹیسٹ کئے گئے تووہ کرونا مثبت پائے گئے اور ان میں کرونا کی نئی قسم تھی جس کے بعد محکمہ صحت کے حکام میں کھلبلی مچ گئی،
حکام نے انکے ساتھ سفر کرنے والے دیگر مسافروں کے بھی کرونا ٹیسٹ کئے ہیں اور انہیں دوبارہ ٹیسٹ کروانے کا کہا ہے،
دوسری جانب نجوبی افریقہ میں کورونا کیسز 10 لاکھ سے تجاوز کرگئے،برطانیہ میں سامنے آنےوالی کورونا وائرس کی نئی قسم جنوبی کوریا بھی پہنچ گئی،لندن سےجنوبی کوریا جانے والے 3افراد میں نئی قسم کے وائرس کی تصدیق ہوئی ہے
کورونا وائرس کی نئی قسم نے برطانیہ میں افراتفری پھیلا دی، وائرس کی یہ نئی شکل لندن اور جنوب مشرقی برطانیہ میں تیزی سے پھیل گئی ہے۔ اٹلی میں بھی برطانیہ میں سامنے آنے والے نئی شکل کے کورونا وائرس کے پہلے کیس کی تشخیص ہو گئی۔
برطانی وزیر صحت میٹ ہینکوک نے کہا ہے کہ نیا وائرس قابو سے باہر ہے، شہریوں اور سیاحوں کی بڑی تعداد لندن چھوڑ رہی ہے۔
