اسلام آباد: سابق وزیراعظم عمران خان کے وکیل لطیف کھوسہ نے کہا ہے کہ میری اور بشریٰ بی بی کے درمیان ہونے والی گفتگو لیک کرنے والوں کو شرم آنی چاہیے۔
باغی ٹی وی : میڈیا سے گفتگو کرتے ہوئے لطیف کھوسہ نے بشریٰ بی بی کی عمران خان کی بہنوں سے متعلق لیک ہونے والی مبینہ آڈیو کے حوالے سے رد عمل دیا انہوں نے کہا کہ ‘بشریٰ بی بی اور میرے درمیان گفتگو ذاتی تھی جو لیک کی گئی،یہ ذاتی گفتگو اور کالز لیک کون کرتا ہے؟ اور اس حوالے سے جسٹس بابر ستار نے بھی آرڈر دیا ہے کہ یہ کون آڈیو لیک کر رہا ہے؟، وہ لوگ آکر عدالت کو بتائیں جو ایسی ذاتی نوعیت کی آڈیو لیک کر رہے ہیں۔
https://x.com/Thakar_01/status/1730166162795757737?s=20
دوسری جانب تحریک انصاف کے سابق رہنما فیاض الحسن چوہان کا کہنا ہے کہ بشریٰ بی بی کا ایجنڈا شروع سے طاقت، اقتدار اور پیسہ تھابشریٰ بی بی اور چیئرمین پی ٹی آئی کے وکیل لطیف کھوسہ کے درمیان لیک آڈیو پر ردعمل دیتے ہوئے فیاض الحسن چوہان نے کہا کہ عمران خان کہتے تھے بشریٰ بی بی سے سچا کوئی نہیں، وہ میری مرشد اور میری آقا ہیں۔
عمران خان توشہ خانہ کیس: ٹرائل کورٹ کا فیصلہ معطل کرنے کی استدعا پر فیصلہ …
انہوں نے کہا کہ چیئرمین پی ٹی آئی کے ساتھ بہت کھلواڑ ہوا ہے، جو اپنےآپ کو زیادہ عقلمند سمجھتا ہے وہ غلطی کرتا ہے، عمران خان کسی پر اعتماد کے لیے تیار نہیں ہیں،عمران خان نے ایک ڈمی سا بندہ بزدار اور محمود خان کی طرح لاکر بٹھایا، البتہ بشریٰ بی بی کا پہلے دن سے ایجنڈا طاقت، اقتدار اور پیسہ تھا جب کہ عمران خان کا بھی بالکل یہی ایجنڈا تھا۔
واضح رہے چیئرمین پی ٹی آئی عمران خان کی اہلیہ بشریٰ بی بی اور سینئر وکیل سردار لطیف کھوسہ کی مبینہ آڈیو سامنے آئی ہے جس میں دونوں عمران خان کی بہنوں عظمیٰ اور علیمہ خان سے اپنے اختلافات کا کھل کر اظہار کر رہے ہیں۔
