بشریٰ بی بی نے اسلام آباد ہائی کورٹ میں سزا معطلی کی درخواست دائر کر دی

دوران عدت نکاح کیس میں اہم پیش رفت سامنے آگئی، بانی پی ٹی آئی عمران خان کی اہلیہ بشریٰ بی بی نے اسلام آباد ہائی کورٹ میں سزا معطلی کی درخواست دائر کر دی۔ بشریٰ بی بی نے اسلام آباد ہائیکورٹ میں عدت کیس میں سزا معطلی کی درخواست دائر کردی۔بشریٰ بی بی نے عدالت سے سزا معطل کر کے ضمانت پر رہائی کی استدعا کی ہے۔ کہ عدالت 3 فروری کی سزا کا فیصلہ معطل کر کے ضمانت پر رہائی کے احکامات جاری کرے، استغاثہ نے تضاد سے بھرپور کمزور شواہد عدالت میں پیش کیے۔درخواست میں کہا گیا ہے کہ اس شواہد کی بنیاد پر سزا نہیں سنائی جاسکتی تھی، ٹرائل کورٹ کی جانب سے دی گئی سزا برقرار نہیں رہ سکتی، بشریٰ بی بی کو سیاسی انتقام کا نشانہ بنانے کے لیے جیل میں بدترین حالات میں رکھا گیا ہے۔درخواست میں مؤقف اپنایا گیا ہے کہ انصاف کے تقاضے پورے کرنے کیلئے ضروری ہے سزا معطلی کی درخواست جلد نمٹائی جائے۔بشریٰ بی بی نے وکلاء بیرسٹر سلمان صفدراور خالد یوسف چودھری کے ذریعے درخواست دائر کی۔
یاد رہے کہ 3 فروری کو سول کورٹ نے بانی پی ٹی آئی عمران خان کی اہلیہ بشریٰ بی بی کو 7 سال قید کی سزا سنائی تھی۔