پاکستان تحریک انصاف (پی ٹی آئی) کے وکیل تابش فاروق نے میڈیا سے گفتگو کرتے ہوئے کہا کہ پارٹی کی مرکزی رہنما بشریٰ بی بی نے مشال یوسفزئی کو ترجمان کے عہدے سے ہٹا دیا ہے۔
اڈیالہ جیل کے باہر صحافیوں سے بات کرتے ہوئے تابش فاروق نے بتایا کہ بشریٰ بی بی نے پارٹی امور کو بہتر انداز میں چلانے کے لیے اپنے چار فوکل پرسنز مقرر کیے ہیں۔ ان فوکل پرسنز میں نعیم پنجوتھا، مبشر اعوان، خالد یوسف، اور رائے سلمان شامل ہیں۔انہوں نے مزید کہا کہ پارٹی کی قیادت، بشریٰ بی بی اور پی ٹی آئی کے بانی رہنما کی ملاقات کے دوران، بشریٰ بی بی نے واضح طور پر کہا کہ مشال یوسفزئی اب پی ٹی آئی کی ترجمانی نہیں کریں گی۔یہ فیصلہ پارٹی کی حکمت عملی کے مطابق لیا گیا ہے اور اب فوکل پرسنز کی ایک نئی ٹیم کو اس ذمہ داری کا سامنا ہو گا۔
واضح رہے کہ مشال یوسفزئی بشریٰ کی ترجمان اور قریبی سمجھی جاتی تھیں تا ہم اب ان کو عہدے سے ہٹا دیا گیا ہے
