بہاولنگر (باغی ٹی وی نامہ نگار محمد عرفان)ڈائریکٹر جنرل انڈسٹریز، پرائسز، ویٹس اینڈ میئرز پنجاب ذیشان شبیر رانا اور ڈپٹی کمشنر ذوالفقار احمد بھون کی ہدایت پر ڈسٹرکٹ آفیسر انڈسٹریز محمد کاشف نثار نے مختلف پٹرول پمپس، بازاروں اور دکانوں کا دورہ کیا۔
دورے کے دوران ڈی او انڈسٹریز نے پٹرول پمپس کے پیمانہ جات، کریانہ، چکن، فروٹ اور سبزی کی دکانوں کے کنڈا جات چیک کیے۔ کم پیمانہ جات والے پٹرول پمپس اور دکانداروں کے خلاف چالان کارروائی کے لیے متعلقہ عدالت میں بھجوا دیے گئے۔
ڈی او انڈسٹریز محمد کاشف نثار نے کہا کہ اگر کسی شہری کو پٹرول پمپس کے پیمانہ یا دکانوں کے وزن سے متعلق شکایت ہو تو وہ براہِ راست ان کے دفتر نوٹس میں لائیں، اور ایسے دکانداروں کے خلاف سخت قانونی کارروائی عمل میں لائی جائے گی۔
