بہاولنگر (باغی ٹی وی، نامہ نگار محمد عرفان) جنوبی پنجاب کے پسماندہ ضلع بہاولنگر میں ایئر ایمبولینس سروس کا کامیاب آغاز صرف ایک سہولت نہیں بلکہ انسانی خدمت کے نئے دور کا آغاز قرار دیا جا رہا ہے۔ یہ اقدام وزیراعلیٰ پنجاب محترمہ مریم نواز شریف کے اس وژن کی عملی تعبیر ہے، جس کے تحت صوبے کے دور دراز علاقوں کو بھی صحت اور ایمرجنسی کی جدید سہولتوں سے آراستہ کیا جا رہا ہے۔
ریسکیو 1122 بہاولنگر کی یہ پیش رفت اس بات کا واضح ثبوت ہے کہ جب سیاسی قیادت کا وژن دیانت دار انتظامیہ اور تربیت یافتہ عملے کی مخلصانہ کاوشوں سے ہم آہنگ ہوتا ہے تو عوامی فلاح و بہبود کے حقیقی نتائج سامنے آتے ہیں۔
بہاولنگر کے عوام نے وزیراعلیٰ پنجاب مریم نواز شریف، ڈپٹی کمشنر بہاولنگر، اور ریسکیو 1122 کی انتظامیہ کا تہہ دل سے شکریہ ادا کیا کہ انہوں نے انسانی جانوں کے تحفظ کو اولین ترجیح بناتے ہوئے یہ مثالی سہولت فراہم کی۔ عوامی حلقوں کا کہنا ہے کہ یہ اقدام ثابت کرتا ہے کہ انسانیت کی خدمت کرنے والے ادارے ہی ایک مہذب اور فلاحی قوم کی اصل
