الیکشن کمیشن آف پاکستان نے پنجاب میں قومی اور صوبائی اسمبلیوں کے ضمنی انتخابات سیلابی صورتحال کے باعث ملتوی کر دیے۔
جاری اعلامیے کے مطابق قومی اسمبلی کے حلقے این اے 66 وزیرآباد، این اے 96 فیصل آباد، این اے 104 فیصل آباد، این اے 129 لاہور اور این اے 143 ساہیوال میں ضمنی انتخابات ملتوی کر دیے گئے ہیں۔اسی طرح صوبائی اسمبلی کے حلقے پی پی 73 سرگودھا، پی پی 87 میانوالی، پی پی 98 فیصل آباد اور پی پی 203 ساہیوال میں بھی ضمنی الیکشن ملتوی کیے گئے ہیں۔
الیکشن کمیشن کے مطابق سیلاب سے پنجاب میں مواصلات کا نظام درہم برہم اور سرکاری و نجی انفرااسٹرکچر تباہ ہو گیا ہے، جبکہ کئی اسکولز کی عمارتیں، جو پولنگ اسٹیشن اور ریکارڈ اسٹور کے طور پر استعمال ہوتی ہیں، بھی متاثر ہوئی ہیں۔مزید کہا گیا ہے کہ سول انتظامیہ اور قانون نافذ کرنے والے ادارے اس وقت ریسکیو اور ریلیف آپریشنز میں مصروف ہیں، اس لیے الیکشن ڈیوٹیز کی انجام دہی ممکن نہیں۔
سندھ میں آٹے کا بدترین بحران، عوام روٹی کے ایک نوالے کو ترس گئے
