ملکی ائیرپورٹس کی آؤٹ سورسنگ کے معاملے پر سول ایوی ایشن ملازمین نے قلم چھوڑ ہڑتال کی کال دے دی۔
باغی ٹی وی : یکم اگست کو اسلام آباد ائیرپورٹ پر قلم چھوڑ ہڑتال ہوگی، 8 اگست کو لاہور جبکہ 17 اگست کو کراچی میں کام بند کردیا جائے گا قلم چھوڑ ہڑتال کی کال اکاٸی یونین اور جیکا یونین نے دی۔
قبل ازیں پاکستان سول ایوی ایشن اتھارٹی (پی سی اے اے) نے قومی اسمبلی کی قائمہ کمیٹی برائے ہوابازی کو بتایا تھا کہ حکومت نے کراچی، اسلام آباد اور لاہور کے ہوائی اڈوں کے انتظام اور آپریشن آؤٹ سورس کرنے کا عمل شروع کر دیا ہے،یہ فیصلہ زرمبادلہ کے ذخائر کو بڑھانے کے لیے کیا گیا ہے۔
امریکی سفارت کار ہنری کسنجرکی بیجنگ میں چین کے وزیر دفاع سے ملاقات
کمیٹی کو واضح کیا گیا تھا کہ سول ایوی ایشن ہوائی اڈے فروخت نہیں کر رہی اور صرف آپریشن اور انتظامی کنٹرول آؤٹ سورس کیے جارہے ہیں سول ایوی ایشن کے ڈائریکٹر جنرل خاقان مرتضیٰ نے کمیٹی کو بتایا تھا کہ سی اے اے ایکٹ کے رول 68 میں ترمیم کے بعد پی سی اے اے سے عدم اعتراض سرٹیفکیٹ (این او سی) جاری کرنے کا اختیار چھین کر بلڈنگ کنٹرول حکام کو دے دیا گیا جو کہ اس کام میں مکمل طور پر ناکام رہا ہے کمیٹی نے مذکورہ رول میں ترمیم کی سفارش کرتے ہوئے غیر قانونی تعمیرات کے خلاف کارروائی کا کہا۔
سائفر ڈرامہ ،اعظم خان نے بیان ریکارڈ کروا دیا
انہوں نے مزید کہا کہ پرندوں کے ٹکرانے کے کیسز میں اضافہ ہوا ہے جس کی وجہ سے لاہور ایئرپورٹ پر صبح 6 سے 8 بجے تک فلائٹ آپریشن بند کر دیا گیا ہے اور اتھارٹی کی جانب سے آگاہی مہم کے علاوہ پرندوں کو بھگانے کے انتظامات بھی بڑھا دیے گئے ہیں،ی آئی اے کی مالی حالت زیادہ اخراجات برداشت نہیں کر سکتی اس لیے انہوں نے ٹرانسپورٹ کے لیے ٹھیکیدار کی خدمات حاصل کی ہیں۔
