ٹورنٹو:کینیڈا کےشہر ٹورنٹو میں رات ایک کلب میں فائرنگ کے نتیجے میں 11افراد شدید زخمی ہوئےہیں جنکی حالت تشویشناک ہے –
باغی ٹی وی: تفصیلات کے مطابق ٹورنٹو پولیس اسکاربورو میں جمعے کی رات ہونے والی فائرنگ کی تحقیقات کر رہی ہے جس میں کم از کم 11 افراد زخمی ہوئے تھے حکام کا کہنا ہے کہ یہ واقعہ پروگریس ایونیو اور کارپوریٹ ڈرائیو کے قریب رات تقریباً 10.30 بجے پیش آیا۔
حکام کے مطابق متاثرین کی حالت کے بارے میں ابھی واضح معلومات نہیں ہیں ٹورنٹو کے پیرامیڈیکس نے کینیڈا کے CP24 میڈیا کو بتایا کہ یہ ایک غیرمعمولی صورتحال ہے اور زیادہ تر زخمیوں کی حالت انتہائی تشویشناک بتائی جارہی ہے۔
جنوبی کوریا کے سابق صدر کو رہائی مل گئی
ایمرجنسی سروسز جائے وقوعہ پر پہنچ گئیں اور سیکیورٹی افسران نے علاقے کو گھیر لیا اور زخمیوں کو امداد فراہم کی حکام نے ابھی تک ممکنہ محرکات یا حملے میں استعمال ہونے والے ہتھیار کے بارے میں معلومات جاری نہیں کی ہیں پولیس نے تصدیق کی کہ مشتبہ شخص فرار ہے، اور ذمہ دار کو تلاش کرنے کے لیے تلاش جاری ہے شوٹر کی شناخت یا متاثرین سے ممکنہ رابطوں کے بارے میں مزید تفصیلا ت فراہم نہیں کی گئیں، علاقے کے رہائشیوں سے کہا گیا ہے کہ وہ چوکس رہیں اور کسی بھی مشکوک سرگرمی کی اطلاع قانون نافذ کر نے والے اداروں کو دیں۔
امریکا کا اپنے شہریوں کو پاکستان کے غیرضروری سفر سے اجتناب کرنےکی کی ہدایت
