البرٹا: کینیڈا میں چھوٹا طیارہ پہاڑی علاقے میں گرکر تباہ ہونے سے طیارے میں سوار تمام 6 افراد ہلاک ہو گئے۔
باغی ٹی وی : غیر ملکی خبر رساں ادارے کے مطابق کینیڈین ریاست البرٹا کے شہر کیلگری (Calgary) کے اسپرنگ بیک ائیر پورٹ سے اڑان بھرنے والے چھوٹے طیارے میں ایک پائلٹ اور 5 مسافر سوار تھے۔
میڈیا رپورٹ کے مطابق چرچ کی تقریب میں شرکت کے لیے سیلمون آرم جانے والے مسافر طیارے کا رابطہ کئی گھنٹوں تک منقطع رہا تو رائل کینیڈین ائیر فورس (آر سی ایم پی) کو اطلاع دی گئی جس نے طیارے کی تلاش کے لیے آپریشن شروع کیا،آر سی ایم پی نے کناناسکس کاؤنٹی کے علاقے ماؤنٹ بوگور کے پہاڑوں میں طیارے کو تلاش کیا جو کہ حادثے کا شکار ہو کر تباہ ہو چکا تھا،طیارے میں سوار تمام مسافر ہلاک ہو گئے تاہم ہلاک افراد کی شناخت ظاہر نہیں کی گئی۔
قبل ازیں گزشتہ روز آسٹریلیا میں فوجی ہیلی کاپٹر گر کر تباہ ہو گیا جس کے نتیجے میں 4 فوجی اہلکاروں کے ہلاک ہونے کا خدشہ ظاہر کیا گیا ہےحادثے کے بعد لاپتہ ہونے والے فوجی اہلکاروں کی تلاش کے لیے ریسکیو آپریشن میں تباہ ہونے والے ہیلی کاپٹر کا ملبہ مل گیا ہے۔ حادثہ رات کے وقت پیش آیا اور فوری طور پر ریسکیو آپریشن شروع کر دیا گیا تھا ہیلی کاپٹر امریکہ اور آسٹریلیا کی مشترکہ فوجی مشقوں میں شامل تھا۔
