ٹھٹھہ میں فقیرگولائی کے قریب کار اور ٹرک میں تصادم ہوگیا،حادثے میں چار افراد جاں بحق اور دو زخمی ہوگئے۔
باغی ٹی وی: جاں بحق افراد کا تعلق ایک ہی خاندان سے ہے جن میں خاتون اور ایک بچہ بھی شامل ہیں اطلاع ملنے پر امدادی ٹیمیں جائے وقوع پر پہنچی اور لاشوں اور زخمیوں کو سجاول اسپتال منتقل کیا گیا ایک زخمی کی حالت تشویشناک ہونے کے باعث کراچی منتقل کردیا گیا۔
دوسری جانب بلوچستان میں ٹریفک حادثے میں چیئرمین میونسپل کمیٹی ژوب سمیت 4 افراد جاں بحق ہوگئےقلعہ سیف اللہ میں ژوب شاہراہِ پر مسافرپور کے مقام پر ٹرک اور گاڑی میں تصادم ہوا حادثےمیں چیئرمین میونسپل کمیٹی ژوب سمیت چار افراد جاں بحق ہوگئےٹریفک حادثے کے بعد قریبی لوگ اور ریسکیو حکام موقع پر پہنچے حادثے کے بعد میتوں کو اسپتال منتقل کردیا گیا ۔
ٹریفک حادثہ؛ چیئرمین میونسپل کمیٹی ژوب سمیت 4 افراد جاں بحق
دوسری جانب خیبرپختونخوا کے ضلع سوات کی یونیورسٹی میں خواتین کے ساتھ مبینہ ہراسانی کی شکایت کرنے والے طالب علم کے خلاف انتظامیہ نے ایکشن لے لیا، جس کے بعد طلباء کی جانب سے احتجاج کا سلسلہ شروع ہوا، نتیجتاً 7 ستمبر کو یونیورسٹی انتظامیہ نے 16 طلباء کو ایک سال کے لئے معطل کرنے کا پروانہ تھما دیا۔
میڈیا کےمطابق محمد جواد نامی طالب علم نے وائس چانسلر کو ایک شکایتی خط بھیجا، جس میں یونیورسٹی کے دفاتر میں طالبات کو ہراساں کیے جانے کا الزام لگایا گیا تھا، خط میں کسی کا نام لیے اورثبوت فراہم کیےبغیرکہا گیا کہ دفاترمیں طالبات کوہراساں کیے جانے کے واقعات پیش آئے ہیں جن سے یونیورسٹی میں بے چینی کی صورت حال ہے۔
