کھڑی کار سے ایک ہی خاندان کی 2 خواتین سمیت 4 افراد کی لاشیں برآمد

سرگودھا ،موٹروے ایم 2 پر بھیرہ کے قریب 2خواتین سمیت 4 افراد کی لاشیں موٹروے ایم 2 پر کھڑی گاڑی سے برآمد ہوئی ہیں

لاہو رسے تعلق رکھنے والے چاروں افراد ایک ہی خاند ان سے ہیں، گاڑی لاہور سے اسلام آباد جارہی تھی، تحقیقات جاری ہیں،موٹروے کے قریب کھڑی کار سے 2 خواتین، 1 مرد اور 1 بچے کی لاشیں ملی ہیں،ریسکیو ٹیمیں موقع پر پہنچیں اور کار کے ڈرائیور عمر قاسم کو بیہوشی کی حالت میں ہسپتال منتقل کیا، گاڑی سے جن افراد کی لاشیں ملیں وہ لاہور کے رہائشی تھے، اور اسلام آباد سفر کر رہے تھے، ان افراد کی موت کیسے ہوئی اس پر پولیس تحقیقات کر رہی ہے،

ریسکیو حکام کا بتانا ہے کہ کار سوار فیملی میکلوڈ روڈ لاہور کی رہائشی ہے اور لاہور سے اسلام آباد جارہی تھی کہ بھلوال کے قریب موٹر وے پر اچانک سب پر بے ہوشی طاری ہوگئی جس پر ڈرائیور عمر قاسم نے گاڑی روک دی۔

ریسکیو حکام کے مطابق کافی دیر تک گاڑی موٹروے پر کھڑی دیکھ کر موٹروے پولیس نے ریسکیو 1122 کو طلب کیا جنہوں نے کار کا شیشہ توڑ کر لاشوں کو باہر نکالا،کار ڈرائیور نے پولیس کو بتایا ہے کہ راستے میں ایک خاتون کی طبعیت خراب ہوئی تھی تو انہوں نے جوس پیا تھا،گاڑی میں سے 2 جوس کے ڈبے ملے ہیں جن میں سے ایک ڈبے کی ڈیٹ ایکسپائر ہے تاہم پوسٹ مارٹم کے بعد ہی ہلاکت کی اصل وجہ معلوم ہو سکے گی۔

ترجمان پولیس نے کہا ہے کہ تمام افراد کا تعلق ایک ہی خاندان سے ہے جو کہ لاہور کے رہائشی ہیں، یہ افراد لاہور سے اسلام آباد کی جانب سفر کر رہے تھے، ڈاکٹروں کے مطابق اموات کی وجہ فوڈ پوائزننگ ہو سکتی ہے۔