قصور
مصطفی آباد للیانی کے رہائشیوں کو CCD کے جعلی ملازم بن کر اغواء کرنے والے پولیس ملازمین کے خلاف ایف آئی آر درج
تفصیلات کے مطابق قصور کے قصبہ مصطفی آباد للیانی کے رہائشی حافظ محمد ندیم ولد محمد رفیق نے تھانہ سٹی رائیونڈ ضلع لاہور میں درخواست دی کہ میں الیکٹریشن کا کام کرتا ہوں مورخہ 19.07.2025 بوقت تقریباً 06:30 بجے میں اپنے کزن محمد شاہد کیساتھ موٹر سائیکل پر رائیونڈ سے موٹر ٹھیک کروا کر واپس للیانی مصطفی آباد براستہ صوئے آصل جار ہے تھا کہ جب ہم پولیس چوکی لدھیکی کے قریب پہنچے تو ہماری موٹر سائیکل کا پٹرول ختم ہو گیا تو اسی دوران 2 کسی پولیس ملازمین ،جن کے نام کانسٹیبل تو قیر اور اقبال بسوار ہنڈا 125 بر نگ لا، آئے تو ہم نے پولیس ملازمین سے مدد مانگی تو پولیس ملازمین نے ہماری تلاشی لینا شروع کر دی اور ہمارا CRO ریکارڈ چیک کیا جب کچھ نہ ملا تو پولیس ملازمین ہمیں سائیڈ پر خالی جگہ پر لے گئے اور ہم سے چائے پانی کا تقاضا کیا تو ہمارے انکار کرنے پر ملازمین نے ہم پر تشدد کرنا شروع کر دیا اور ہمیں ڈرا اور اپنے ساتھی پولیس ملازم واجد کو فون کر کے بلوایا جو موقع پرپرائیویٹ گاڑی الٹو رجسٹریشن نمبری ACT604 پر آیا اور اپنے آپ کو CCD کا ملازم شو کروایا اور زبردستی ہمیں اپنی گاڑی میں بیٹھا کر اغوا کر کے بحریہ آرچرڈ گیٹ نمبر 2 رائیونڈ روڈ لاہور پلازہ میں لے گئے اور ہم سے اسلحہ کے زور پر ویڈیو بیان لیتے رہے کہ اپنا ویڈیو بیان دو کہ ہم منشیات کا کام کرتے ہیں
ہم نے بیان دینے سے انکار کر دیا تو الزام علیہان نے ہم پر تشدد کیا پسٹل سیدھے کیئے اور جان سے مار دینے کی دھمکیاں دیں کہ ہم CCD کے ملازم ہیں تم دونوں کو پولیس مقابلہ کرکے مار دینگے ورنہ اپنے گھر سے 25 لاکھ روپیہ منگوالو
تقریبا 14 گھنٹے ہمیں حبس بیجا میں رکھا اور میرے موبائل فون سے ہمارے گھر والوں سے رابطہ کرکے ان کو بھی ڈرایا
اور کہا کہ ہم تمہارے بچوں کو مار دینگے ہمیں 25 لاکھ روپئہ دے دو
ہمارے والدین پاس اس تاوان کا تقاضا کرنے کی ریکارڈنگ موجود ہے
بہت منت سماجت بعد پونے 7 لاکھ روپے دے کر ہماری جان بخشی کروائی
میری اور میرے کزن کی جیب سے پیسے نکال کر چھوڑ دیا
درخواست گزار نے استدعا کی کہ پولیس ملازمین نے ہمیں اغوا کر کے ہم سے اغوا برائے تاوان وصول کر کے مار پیٹ کر کے تشدد کر کے اسلحہ کے زور پر ڈرا دھمکا کر حراساں کرکے جس بیجا میں رکھ کر جان سے مار دینے کی دھمکیاں دے کر سخت زیادتی کی ہے لہذہ ضابطہ کے تحت کاروائی عمل میں لا کر مقدمہ درج کیا جائے اور ہمیں انصاف فراہم کیا جائے اور وصول کیا ہوا تاوان بھی واپس دلوایا جائے تاکہ کوئی بھی پولیس ملازم خود کو CCD کا ملازم ظاہر کرکے لوگوں کو ڈرائے دھمکائے نا اور نا ہی نئے محکمے کا وقار مجروع ہو
شہریوں نے ڈی آئی جی CCD سے از خود نوٹس لے کر پولیس ملازمین کے خلاف کاروائی کا مطالبہ کیا ہے
