رپورٹ حسن شاہ
تلہ گنگ شہر میں قائم معروف تعلیمی ادارے وی آئی پی سیکنڈری سکول و کالج نے اپنی درخشاں روایات قائم رکھتے ہوئے اس سال کی گولڈ میڈلسٹ طالبہ کشف زمان اور مائرہ حسن کے اعزاز میں پر وقار تقریب کا اہتمام کیا
وی آئی پی کالج تلہ گنگ نے اپنی شاندار تعلیمی روایات کو نہ صرف برقرار رکھا ہے بلکہ اس میں مزید بہتری لاتے ہوئے اب تک پنجاب یونیورسٹی لاہور میں پنجاب سطح پر 29 پوزیشنز حاصل کر لی ہیں ۔ ادارے کی دو ہونہار طالبات کشف زمان اور مائرہ حسن گولڈ میڈلسٹ پنجاب سال 23 ، 24 کے اعزاز میں تقریب کا انعقاد کیا۔ علمی ادبی اس محفل کا دورانیہ مختصر تھا جس میں علاقے کی نمایاں شخصیات نے شرکت کی، صدر پی ایم یو چائلڈ سپیشلسٹ ڈاکٹر ارشد ملک، کنسلٹنٹ سرجییکل سپیشلسٹ (امریکہ) شوکت خانم ہسپتال ڈاکٹر محسن رضا، معروف سماجی و بزرگ شخصیت ملک غلام عباس جھابری ایگزیکٹو ممبر سائبان و انجمن بہبود مریضاں تلہ گنگ، پرنسپل گورنمنٹ ایسوسی ایٹ بوائز کالج تلہ گنگ ڈاکٹر بشیر منصور، پروفیسر قاضی عرفان پروفیسر محمد علی سمیت ریٹائرڈ پروفیسر سابقہ جنرل سیکرٹری پنجاب پروفیسرز اینڈ لیکچررز ایسوسی ایشن روف احمد شاہ سمیت علاقہ کی صحافی برادری نے بھی شرکت کی، ٹی این این کی جانب سے جناب ارشد اعوان اورفیضان شیخ جبکہ تلہ گنگ پریس کلب سے سینئر صحافی ملک عامر نواز، لیاقت اعوان، اکرم نور اورنور حسین عاجز نے شرکت کی دیگر شرکا میں معروف تاجر اور سابقہ صدر تلہ گنگ مارکیٹ یونین طفیل منہاس، بزرگ معلم خان زمان، معروف صدا کار و معلم ندیم ملک،معروف قانون دان انکم ٹیکس شیخ بدر سابقہ کونسلر سہیل نور پراچہ بھی موجود تھے
بی ایس سی 2024 کے امتحانات میں کشف زمان نے جغرافیہ میں 187/200 نمبر حاصل کر کے گولڈ میڈل اپنے نام کیا، جبکہ 2023 میں اسی ادارے کی طالبہ مائرہ حسن نے 660 نمبر لے کر پنجاب یونیورسٹی میں گولڈ میڈل جیتا تھا۔ جس میں ڈاکٹر ارشد اعوان اور پروفیسر ڈاکٹر بشیر منصور نے طالبات کو اعزازی سرٹیفکیٹ اور نقد انعامات سے نوازا۔
تقریب میں انجمن بہبود مریضاں کے وفد، جس کی قیادت ڈاکٹر ارشد ملک اور سر ندیم کر رہے تھے، نے بھی شرکت کی۔ اس کے علاوہ تلہ گنگ کے سینئر صحافیوں اور سماجی شخصیات نے بھی طالبات کی حوصلہ افزائی کی۔
وی آئی پی کالج کے ڈائریکٹر عمران رضا منہاج نے مہمانوں کا شکریہ ادا کیا اور اس موقع پر شرکاء نے وی آئی پی کالج کے بانی، جی ایم رضا منہاس مرحوم، کی تعلیمی خدمات کو خراج تحسین پیش کیا۔وی آئی پی کالج کی انتظامیہ نے تعلیمی میدان میں اپنی محنت اور لگن کو جاری رکھنے کے عزم کا اظہار کیا اور طلبہ کی حوصلہ افزائی کے لیے مستقبل میں بھی ایسی تقریبات کے انعقاد کا وعدہ کیا۔آئی ٹی ٹیچر و سماجی کارکن عاصم رشید، ایگزیکٹو ایڈیٹر وائس آف تلہ گنگ ، قیصر جعفری اور وسیم مدھوال بھی موجود تھے۔
شرکا سے خطاب کرتے ہوئے مقررین نے علم و حکمت کی افادیت پر روشنی ڈالی۔شرکاء نے اس امید کا اظہار کیا کہ گولڈ میڈلسٹ طالبات محنت کے اس سلسلہ کو جاری رکھیں گی۔ حوصلہ افزائی کے لیے طالبات کو تعریفی اسناد اور انعامات دیے گئے۔ اس موقع پر وی آئی پی کالج انتظامیہ نے میڈیاکو بتایا کہ ضلع بھر کا واحد ادارہ ہے جہاں ہائر کلاسزمیں 29 گولڈ میڈل طلباء زیر تعمیل رہے جبکہ ہر سال پوزیشن حاصل کی۔ تقریب میں طالبات کے احترام اور ان کی کاوشوں کو خراج عقیدت پیش کرنے کے لیے شرکا نے کھڑے ہوکر ان کا استقبال کیا۔
