چاہتی تھی میری شادی کی ایک گرینڈ تقریب ہو اور 10 کلو کا لہنگا پہنوں سوگندھا مشرا

بھارت کے مقبول ترین کامیڈی پروگرام ’دی کپل شرما شو‘ سے شہرت پانے والی خاتون کامیڈین اسٹار سوگندھا مشرا نے کہا ہے کہ شادی کے حوالے سے سوچے گئے ان کے سارے خواب کورونا وائرس نے برباد کردیئے-

باغی ٹی وی : بھارتی میڈیا رپورٹس کے مطابق ’دی کپل شرما شو‘ کی خاتون کامیڈین اسٹار سوگندھا مشرا نے اپنے ایک انٹرویو میں بتایا کہ ’وہ رواں ماہ 26 اپریل کو اداکار سنکیت بھوسلے کے ساتھ رشتۂ ازدواج میں منسلک ہوجائیں گی۔

سوگندھا مشرا نے کہا کہ میں نے گزشتہ سال دسمبر میں اپنی شادی کی شاپنگ شروع کی تھی اور اب میری تمام شاپنگ مکمل ہوگئی ہے جبکہ یہ تمام شاپنگ کورونا وائرس کی وجہ سے آن لائن کی گئی ہے۔

سوگندھا نے کہا کہ میں اپنے شادی کے جوڑے کے حوالے سے ہمیشہ سے ہی کافی فکرمند تھی اور میں چاہتی تھی کہ میری شادی کی ایک گرینڈ تقریب منعقد ہو اور میں اس میں 10 کلو کا لہنگا پہنوں اب کورونا وائرس کی وجہ سے شادی کی تقریب میں چند لوگ ہی شرکت کرسکیں لیکن مجھے فرق نہیں پڑتا، میں اب بھی 10 کلو وزنی لہنگا زیب تن کروں گی۔

سوگندھا مشرا نے مزید کہا کہ کورونا وائرس کی وجہ سے، میں نے اور سنکیت نے گزشتہ سال شادی نہیں کی اور اس بار جب ہم نے ساری تقاریب کی تیاریاں کرلی تھیں تو بھارت میں دوبارہ لاک ڈاؤن لگ گیا جس کا بےحد افسوس ہے۔

سوگندھا مشرا نے حال ہی میں منگنی کی جس کی تصاویر دو روز قبل انہوں نے اپنے انسٹاگرام اکاؤنٹ پر شئیر کیں تصاویر میں اُن کے ہمراہ اُن کے منگیتر سنکیت بھوسلے کو بھی دیکھا جاسکتا ہے۔

منگنی کی تقریب میں سوگندھا مشرا نے سِلک کی خوبصورت میکسی زیب تن کی جبکہ اُن کے منگیتر نے اس موقع پر سیاہ رنگ کے لباس کا انتخاب کیا۔

سوگندھا مشرا نے اپنی پوسٹ کے کیپشن میں منگیتر سے مخاطب ہوتے ہوئے لکھا ’ہمیشہ کا ساتھی۔‘

اُنہوں نے محبت بھرے پیغامات کے لیے اپنے تمام چاہنے والوں کا شکریہ بھی ادا کیا۔

دوسری جانب اداکار سنکیت بھوسلے نے اپنے انسٹا اکاؤنٹ پر اپنی منگیتر سوگندھا مشرا کے ہمراہ اپنی تصویر شیئر کرتے ہوئے لکھا کہ مجھے میری روشنی مل گئی۔

سنکیت بھوسلے نے بھی محبت بھرے پیغامات کے لیے اپنے تمام چاہنے والوں کا شکریہ بھی ادا کیا۔