ایف آئی اے نے پاکستان ایگریکلچر ریسرچ (کونسل پی اے آرسی) کے چیئرمین ڈاکٹرغلام محمد علی کو غیر قانونی بھرتیوں کے الزام میں گرفتار کرلیا ہے-
ایف آئی اے کی جانب سے دائر مقدمہ کے مطابق چئیرمین پی اے آر سی پر آڈٹ اعتراض تھا کہ انہوں نے اپنے ادارے میں بھرتیوں میں مروجہ طریقہ کار نظر انداز کیا ہے اور 154 افراد کی بجائے 332 افراد کو بھرتی کیا اس بڑے حجم کی غیرقانونی بھرتیوں کے بعد ایف آئی اے نے تحقیقات شروع کیں اور گرفتاری عمل میں لائی گئی-
ڈائریکٹر اسٹیبلشمنٹ اخلاق ملک کو بھی گرفتار کرلیا گیا ہے ایف آئی اے نے مقدمہ درج کر کے پی اے آر سی کے دونوں اعلیٰ افسران کو گرفتار کرکے تحقیقات شروع کر دیں مقدمے میں دیگر 17 افسر و اہلکار بھی نامزد ہیں جن کی گرفتاری کے لیے چھاپے مارے جا رہے ہیں۔
اسلام آباد کے جوڈیشل مجسٹریٹ احمد شہزاد گوندل نے دونوں ملزمان کو 3 دن کے جسمانی ریمانڈ پر ایف آئی اے کے حوالے کر دیا ہے ایف آئی اے نے 14 دن کے جسمانی ریمانڈ کی درخواست دی تھی تاہم عدالت نے تین دن کی منظوری دی جسمانی ریمانڈ مکمل ہونے کے بعد ملزمان کو 17 جولائی کو دوبارہ عدالت میں پیش کیا جائے گا۔
ایف آئی اے نے بتایا ہے کہ دیگر ملوث افسران کی گرفتاری کے لیے بھی چھاپے مارے جا رہے ہیں تاکہ اس کیس کو مکمل طور پر شفاف اور قانون کے مطابق حل کیا جا سکے۔
