اسلام آباد (باغی ٹی وی ویب ڈیسک) پاکستان سمیت دنیا بھر میں بدھ کی رات رواں سال کا سب سے بڑا اور روشن سپر مون "بیور مون” آسمان پر جلوہ افروز ہوا، جس نے کروڑوں افراد کو مسحور کر دیا۔ کراچی، لاہور، ملتان، پشاور، اسلام آباد سمیت ملک بھر کے شہروں میں لوگ کھلے مقامات پر جمع ہو کر چاند کے اس دلکش سپرنظارے کے گواہ بنے اور موبائل کیمروں میں اسے محفوظ کیا۔
سپارکو کے مطابق چاند زمین سے صرف 356,980 کلومیٹر دور تھا، جس کی وجہ سے وہ معمول سے 7.9 فیصد بڑا اور 16 فیصد زیادہ روشن نظر آیا۔ ماہرین فلکیات نے بتایا کہ سپر مون کا بہترین نظارہ چاند نکلنے کے فوراً بعد افق کے قریب ہوتا ہے۔
The largest and brightest supermoon of 2025 rose worldwide, dubbed the Beaver Moon, as skies cleared over Australia, India, China and Germany
یہ 2025 کا دوسرا سپر مون تھا۔ اس سے قبل 7 اکتوبر کو پہلا سپر مون دیکھا گیا تھا، جبکہ سال کا آخری سپر مون 4 دسمبر کو "کولڈ مون” کے نام سے نظر آئے گا۔
ماہرین کے مطابق جب چاند اپنی بیضوی مدار میں زمین کے سب سے قریب آتا ہے تو اسے سپر مون کہا جاتا ہے۔ سوشل میڈیا پر لاکھوں تصاویر و ویڈیوز وائرل ہوئیں، جن میں شہریوں نے اس نایاب منظر کو "زندگی کا سب سے خوبصورت لمحہ” قرار دیا۔
