واٹس ایپ کی جانب سے چیٹ لاک فیچر کو مزید بہتر بنانے پر کام جاری

موبائل ایپ کے بعد میٹا کی زیرملکیت میسجنگ ایپ واٹس ایپ کی جانب سے چیٹ لاک فیچر کو مزید بہتر بنایا جا رہا ہے۔

باغی ٹی وی: واضح رہے کہ چیٹ لاک فیچر مئی 2023 میں موبائل ایپس کے لیے متعارف کرایا گیا تھا جس کے ذریعے مختلف چیٹس کو ایک فولڈر میں محفوظ کیا جاتا ہے،لاک کی گئی چیٹس تک رسائی سیکرٹ کوڈ کے ذریعے ہوتی ہے،مگر اس فیچر میں ایک خامی ہے اور وہ یہ ہے کہ آپ صرف مین ڈیوائس (main device) میں ہی چیٹس کو لاک کر سکتے ہیں جبکہ لنکڈ ڈیوائسز پر وہ لاک نہیں ہوتیں۔

اب اس خامی کو دور کیا جا رہا ہےWabetainfo کی رپورٹ کے مطابق واٹس ایپ کی جانب سے ایک نئے فیچر کی آزمائش اینڈرائیڈ ڈیوائسز کے بیٹا (beta) ورژن میں کی جا رہی ہے اس فیچر کے تحت صارفین کی سکیورٹی اور پرائیویسی کے لیے جب کسی چیٹ کو مین ڈیوائس میں لاک کیا جائے گا تو اس کا اطلاق دیگر لنکڈ ڈیوائسز پر بھی ہوگا۔

تمام ڈیوائسز میں چیٹ لاک کے اطلاق سے صارفین حساس چیٹس کو دیگر افراد کی نظروں سے بچا سکیں گے، چاہے وہ افراد ڈیوائس کو استعمال ہی کیوں نہ کریں، اس فیچر کی آزمائش ابھی بیٹا ورژن میں کی جا رہی ہےتو یہ کہنا قبل از وقت ہے اسے کب تک تمام صارفین کے لیے متعارف کرایا جا سکتا ہے۔