چیٹ جی پی ٹی بھی واٹس ایپ پر آگیا، نمبر جاری

آرٹیفیشل انٹیلی جنس (اے آئی) ٹول چیٹ جی پی ٹی کو ویسے تو مختلف ایپلی کیشنز اور سرچ انجنز پر استعمال کرنا آسان ہے لیکن اب اسے دنیا کی سب سے مقبول اور بڑی انسٹنٹ میسیجنگ ایپ واٹس ایپ پر بھی استعمال کیا جا سکے گا۔

چیٹ جی پی ٹی نے اپنے اے آئی بوٹ کو واٹس ایپ پر استعمال کرنے کے لیے نیا نمبر اے آئی نمبر جاری کردیا، جسے صارفین محفوظ کرکے چیٹ جی پی ٹی کے چیٹ بوٹ تک رسائی حاصل کر سکیں گے۔کمپنی نے چیٹ جی پی ٹی کو واٹس ایپ پر استعمال کرنے کے لیے خصوصی نمبر (+1 1800 242 8478) جاری کیا ہے، جسے کانٹیکٹس میں محفوظ کرکے چیٹ بوٹ تک رسائی حاصل کی جا سکتی ہے۔چیٹ جی پی ٹی کا واٹس ایپ چیٹ بوٹ باالکل واٹس ایپ کے اپنے چیٹ بوٹ کی طرح میسیجنگ چیٹ میں کام کرتا ہے۔واٹس ایپ پر چیٹ جی پی ٹی کے بوٹ پر صارفین صرف تحریری سوالوں کے جوابات اور معلومات حاصل کر سکیں گے۔واٹس ایپ کے چیٹ جی پی ٹی بوٹ میں باقی ممالک میں زیادہ فیچرز پیش نہیں کیے گئے، تاہم امریکا سمیت بعض ممالک میں واٹس ایپ کے چیٹ جی پی ٹی بوٹ پر وائس نوٹ سمیت کالز کرنے کے فیچرز بھی پیش کیے گئے ہیں۔ امریکا سمیت بعض ممالک میں واٹس ایپ پر چیٹ جی پی ٹی کے بوٹ میں متعدد فیچرز پیش کیے گئے ہیں۔دلچسپ بات یہ ہے کہ بعض ممالک میں چیٹ جی پی ٹی کے بوٹ کو واٹس ایپ گروپس میں بھی شامل کرنے کا آپشن دیا گیا ہے۔پاکستان میں چیٹ جی پی ٹی بوٹ کو واٹس ایپ گروپس میں شامل کرنے کے آپشن تک تمام صارفین کو رسائی نہیں دی گئی۔یہاں یہ بات یاد رہے کہ چیٹ جی پی ٹی کے چیٹ بوٹس کو اس کی اپنی ویب سائٹ اور ایپلی کیشنز سمیت گوگل یا کسی بھی سرچ انجن میں تلاش کرکے بھی استعمال کیا جا سکتا ہے۔

بیشتر علاقوں میں موسم سرد اور خشک رہنے کا امکان

اوچ شریف :طاہر والی پرٹریفک حادثہ، ایک شخص جاں بحق، دوسرا زخمی

مرحوم ملازمین کی اولاد کیلئے ملازمت کا کوٹہ ختم

چیٹ جی پی ٹی کے چیٹ بوٹ کو مائیکرو سافٹ کے سرچ انجن بنگ جب کہ ایپل کے آپریٹنگ سسٹم کا حصہ بنایا جا چکا ہے اور اب اسے واٹس ایپ پر بھی متعارف کرادیا گیا۔