اوچ شریف: 7 سالہ بچہ کرنٹ لگنے سے جاں بحق
اوچ شریف (باغی ٹی وی ) نواحی علاقے رتھر نہرانوالی کی بستی مسو خان میں افسوسناک واقعہ پیش آیا، جہاں 7 سالہ بچہ بجلی والی موٹر سے کرنٹ لگنے کے باعث جاں بحق ہو گیا۔
تفصیلات کے مطابق بچے کے والدین جانوروں کے لیے گھاس کاٹنے کی غرض سے گھر سے باہر گئے ہوئے تھے۔ اس دوران بچہ گھر میں نصب بجلی کی موٹر کے قریب مردہ حالت میں پایا گیا۔ واقعے کی ابتدائی تحقیقات کے مطابق موت کی وجہ بجلی کا شدید کرنٹ بتایا جا رہا ہے۔ متوفی بچہ محمد اقبال نامی شخص کا بیٹا تھا۔
اس افسوسناک حادثے سے گھر میں کہرام مچ گیا اور بستی کی فضا سوگوار ہو گئی۔
