چین نے جمعے کے روز اعلان کیا ہے کہ امریکی جہازوں سے اپنی بندرگاہوں پر لنگر انداز ہونے کی فیس وصول کی جائے گی۔
یہ فیصلہ ٹرمپ انتظامیہ کی جانب سے چینی بحری جہازوں پر اسی نوعیت کی فیس لگانے کے ردعمل میں کیا گیا ہے۔چینی وزارتِ ٹرانسپورٹ کے مطابق منگل سے امریکی جہازوں پر فی ٹن تقریباً 56 ڈالر کی فیس عائد ہوگی۔واضح رہے کہ امریکا نے چینی جہازوں پر تقریباً 50 ڈالر فی جہاز کی فیس لگائی تھی۔چینی وزارت کا کہنا ہے کہ امریکا کی طرح یہ فیس بھی اپریل 2028 تک وقتاً فوقتاً بڑھائی جائے گی۔
امریکن چیمبر آف کامرس اِن چائنا کے صدر مائیکل ہارٹ نے کہا کہ اس اقدام سے قلیل مدت میں امریکی صارفین کے اخراجات میں اضافہ ہوگا، شپنگ کمپنیوں کے منافع میں کمی آئے گی اور امریکا کو برآمدات میں معمولی کمی دیکھنے کو ملے گی۔
نئی دہلی میں افغان وزیر خارجہ کی پریس کانفرنس میں خواتین صحافیوں کو شرکت سے روک دیا گیا
