چین کی جانب میلی نگاہ ڈالنا چھوڑیں،ٹکرانے والوں کو چکنا چور کر دیا جائیگا، چینی صدر

چین کی جانب میلی نگاہ ڈالنا چھوڑیں،ٹکرانے والوں کو چکنا چور کر دیا جائیگا، چینی صدر

چینی صدر شی جن پنگ نے کہا ہے کہ چین کسی سے مرعوب نہیں ہوگا اور نہ ہی کسی دوسرے ملک پر ظلم کرتا ہے۔ چین کی جانب میلی نگاہ ڈالنے والے فولاد کی ایک بڑی دیوار سے سر ٹکرائیں گے

بیجنگ کے تیان من اسکوائر میں چین کی کمیونسٹ پارٹی کے قیام کی صد سالہ تقریب سے خطاب کرتے ہوئے چینی صدر کا کہنا تھا کہ ہم کسی کو بھی چین پر دھونس جمانے، جبر کرنے یا محکوم رکھنے کی اجازت نہیں دیں گے ،چینی صدر نے کسی بھی ملک کا نام لیے بغیر کہا کہ جو بھی اس کی جرات کرے گا وہ اپنا سر ایک ارب چار کروڑ چینی باشندوں کی اسٹیل کی دیوار سے ٹکرائے گا اور خود خون آلود ہوگا

تقریب میں شریک 70 ہزار کمیونسٹ پارٹی کی سینئر قیادت اور ارکان نے شی جنگ کی تقریر کا پرجوش انداز میں جواب دیا۔ شی جن پنگ کی تقریر کے دوران فوجی جیٹ طیاروں نے فضائی کرتب دکھائے توپوں کی سلامی پیش کی گئی اور محب وطن نغمے چلائے گئے۔

برطانوی نشریاتی ادارے بی بی سی کے مطابق چین کو درپیش، کووڈ کی وبا، معاشی چیلنج اور دیگر تنازعات جیسے مسائل کے پس منظر میں چین کی قیادت کا خیال ہے کہ سرکاری طور پر تصدیق شدہ اس تاریخ سے عوام کو روشناس کرانے سے رائے عامہ کو ہموار کرنے میں مدد ملے گی اور حکمران جماعت کے اقتدار کو اخلاقی جواز ملے گا اور ترقی کے بارے میں اس کے تصور کی عوامی حمایت بڑھے گی۔

سی پیک کے خلاف امریکی سازش کے توڑ کیلئے چین کے پانچ ہزار فوجی بھارت میں گھس گئے

لداخ میں انڈیا اور چین میں سرحدی کشیدگی، سینئر صحافی مبشر لقمان نے کیا دی تجویز

‏یہ وہ لات ہے جو ایک چینی فوجی نے لداخ میں ایک بھارتی فوجی کو تحفہ میں دی

لداخ میں چین کے ہاتھوں شرمناک شکست پر جنرل بخشی نے ایک سائیڈ کی مونچھیں کٹوا دیں

"پلیز گو بیک چائنہ” بھارتی فوج کے ترلے، بینر اٹھا لیے

شی جن پنگ نے کہا کہ چین کی ترقی میں کمیونسٹ پارٹی کا مرکزی کردار رہا ہے اور اسے لوگوں سے الگ کرنے کی کوششیں “ناکام” ہوں گی۔صرف سوشلزم ہی چین کو بچا سکتا ہے اور صرف چینی خصوصیات کے حامل سوشلزم ہی چین کو ترقی دے سکتا ہے۔ وہ دور ہمیشہ کے لیے ختم ہو چکا ہے جب چینیوں کو قتل کیا یا پھر ڈرایا دھمکایا جاتا تھا۔ کوئی بھی اس کی جسارت کرنے کی ہمت کرتا ہے تو اس کے سر کو اس آہنی دیوار سے ٹکرا کر چکنا چور کر دیا جائے گا، جسے چین کے ایک ارب چالیس کروڑ لوگوں نے تعمیر کیا ہے۔ چینی قوم کی نئی عظیم الشان زندگی اس تاریخی شاہراہ پر رواں دواں ہے جس کو واپس کرنا ممکن نہیں ہے۔ چینی کمیونسٹ پارٹی نے گزشتہ ایک سو برس کے دوران نہ صرف کروڑوں لوگوں کو غربت سے نکالا بلکہ بہت سے جدید اور خوشحال شہر بھی تعمیر کیے ہیں۔ قومی دفاع اور مسلح افواج کی تجدید کاری کو تیز تر کرنے کی ضرورت ہے۔