چین کی پڑوسیوں سے متعلق پالیسی میں پاکستان کا خاص مقام ہے،چینی نائب صدر

نیویارک: چینی نائب صدر ہان زہینگ کا کہنا ہے کہ چین پاکستان کی معاشی ترقی اور خوشحالی کے لئے اپنی کوششیں جاری رکھے گا۔

باغی ٹی وی: نگراں وزیر اعظم انوار الحق کاکڑ اور چینی نائب صدر جناب ہان زہینگ نے نیو یارک میں جاری اقوام متحدہ کے جنرل اسمبلی کی سائیڈ لائن پر ملاقات کی جس میں سی پیک اور دو طرفہ اقتصادی و مالی تعاون سمیت دیگر پہلوؤں پر تبادلہ خیال کیا گیا انوار الحق کا کڑ نے پاکستان کی علاقائی سالمیت، خودمختاری اور سماجی و اقتصادی ترقی کے لیے چین کی حمایت کو سراہا۔

نگراں وزیراعظم نے کہا کہ چین نے مقبوضہ جموں کشمیر میں جی 20 اجلاس منعقد کرنے کی سخت مخالفت کرکے اصولی مو قف اپنایا اور چین کے اس اقدام نے بین الاقوامی قوانین اوراقوام متحدہ کی قراردادوں کی پاسداری کی،اس موقع پرچینی نائب صدر ہان زہینگ کا کہنا تھا کہ پاک چین دوستی منفرد ہے اور دونوں ممالک کے درمیان گہرے برادرانہ تعلقات ہیں۔

نگران وزیراعظم آج اقوام متحدہ کے جنرل اسمبلی اجلاس سے خطاب کریں گے

https://x.com/PakPMO/status/1704917206826352870?s=20
ہان زہینگ نے کہا کہ چین کی پڑوسیوں سے متعلق پالیسی میں پاکستان کا خاص مقام ہے اور چین پاکستان کے بنیادی مفادات کے تحفظ اور پاکستان کے عوام کی معاشی ترقی اور خوشحالی کے لئے اپنی کوششیں جاری رکھے گا۔

پاکستان میں سی پیک منصوبوں کی مسلسل ترقی پر اطمینان کا اظہار کرتے ہوئے دونوں رہنماؤں نے پاکستان کی سماجی و اقتصادی ترقی کے لئے سی پیک کی مرکزیت پر اتفاق کیا اور اس کے مشترکہ مقاصد کے حصول کے لئے مل کر کام جاری رکھنے کے عزم کا اظہار کیا نگراں وزیراعظم نے چینی نائب صدر ہان زہینگ کو دورہ پاکستان کی دعوت دی جسے انہوں نے قبول کرلیا۔

نگران وزیرخارجہ کی امریکا، روس اوریورپی یونین کےرہنماؤں سےالگ الگ ملاقاتیں